پی ایچ اے کے منصوبوں میں تاخیر کی وجہ عدالتی حکم امتناعی اور نیب کی تحقیقات ہیں،وفاقی وزیر ہائوسنگ ریاض پیرزادہ

جمعہ 16 مئی 2025 13:09

اسلام آباد (اُردو پوائنٹ اخبارتازہ ترین - اے پی پی۔ 16 مئی2025ء) وفاقی وزیر ہائوسنگ ریاض پیرزادہ نے کہا ہے کہ پی ایچ اے اتھارٹی کے منصوبوں میں تاخیر کی وجہ عدالتی حکم امتناعی اور نیب کی تحقیقات ہیں، سیکٹر آئی۔ 12 اس سال کے آخر تک الاٹیز کو دے دیں گے۔

(جاری ہے)

شہلا رضا کے سوال کے جواب میں انہوں نے کہا کہ فیڈرل گورنمنٹ ایمپلائمنٹ ہائوسنگ اتھارٹی نے 1999 سے اب 26 سال میں 6 ہزار362 یونٹس تعمیر کئے ہیں،کچھ نئے منصوبوں پر کام ہورہا ہے۔ان منصوبوں میں تاخیر کی وجہ عدالتوں سے حکم امتناعی اور نیب کی تفتیش ہے۔ انہوں نے بتایا کہ آئی 12 میں پی ایچ اے فلیٹس کی بجلی اور سڑکیں سی ڈی اے نے بنا کر دینی ہیں۔دسمبر کے اختتام تک ان فلیٹس کا قبضہ دے دیں گے۔