پاکستان کا پہلا سکوک بانڈ لانچ کر دیا گیا، دنیا پاکستان کے مائیکرو اکنامک استحکام سے مطمئن ہے، محمد اورنگزیب

سرمایہ کاروں کا معیشت کی بحالی پر اعتماد خوش آئند ہے، ہمیں ملائیشیا کے ماڈل کو اپنانا ہوگا، آج پاکستان کا پہلا ڈومیسٹک سکوک بانڈ متعارف کیا جا رہا ہے ، وفاقی وزیر خزانہ کا تقریب سے خطاب

فیصل علوی جمعہ 16 مئی 2025 12:30

پاکستان کا پہلا سکوک بانڈ لانچ کر دیا گیا، دنیا پاکستان کے مائیکرو ..

اسلام آباد(اردوپوائنٹ اخبار تازہ ترین۔16 مئی 2025)پاکستان کا پہلا سکوک بانڈ لانچ کر دیا گیا، سرمایہ کاروں کا معیشت کی بحالی پر اعتماد خوش آئند ہے، وفاقی وزیر خزانہ کا کہنا ہے کہ دنیا پاکستان کے مائیکرو اکنامک استحکام سے مطمئن ہے،وزیر خزانہ کی سٹاک مارکیٹ کی نفسیاتی حدیں بحال ہونے پرمبارکباد پیش ،پاکستان سٹاک ایکسچینج میں گرین سکوک بانڈ کے اجراء کی تقریب کے دوران ویڈیو لنک سے خطاب کرتے ہوئے وزیر خزانہ نے کہا کہ آج پاکستان کا پہلا ڈومیسٹک سکوک بانڈ متعارف کیا جا رہا ہے جس کے بعد مجموعی اسلامک قرضوں کا حجم 14فیصد بڑھ گیا ہے۔

آج ملک بھر میں یوم تشکر جوش و جذبے سے منایا جا رہا ہے۔ گزشتہ روزسٹاک مارکیٹ بلند ترین سطح پر بند ہوئی۔انہوں نے کہا کہ دنیا پاکستان کے مائیکرو اکنامک استحکام سے مطمئن ہے تاہم ہمیں ملائیشیا کے ماڈل کو اپنانا ہوگا۔

(جاری ہے)

بجٹ پر کام جاری ہے۔سٹیک ہولڈرز سے مشاورت ہو رہی ہے وہ بجٹ تجاویز پیش کر رہے ہیں۔واشنگٹن اور لندن میں سرمایہ کاروں کے ساتھ کی جانے والی ملاقاتوں کا حوالہ دیتے ہوئے محمد اورنگزیب نے کہا کہ دنیا پاکستان کے مائیکرو اکنامک استحکام سے مطمئن ہے، گلوبل انویسٹرز توقع رکھتے ہیں کہ پاکستان اپنے حالیہ پالیسی اقدامات کو جاری رکھے گا جس میں ٹیکسوں کو بڑھانے کی پالیسی، شعبہ توانائی میں اصلاحات، رائیٹ سائزنگ اور قومی اداروں میں پیشرفت شامل ہیں۔

اپنے خطاب میں وزیر خزانہ کا مزید کہنا تھا کہ پاکستان کیلئے ماحولیاتی تبدیلی ایک خطرہ بن چکی ہے۔ ماحولیاتی اثرات سے نمٹنے کیلئے فنانسنگ پر کام جاری ہے۔تقریب سے خطاب کرتے ہوئے وفاقی مشیر خزانہ خرم شہزاد نے کہا کہ ماحول اور آبادی پاکستان کے بڑے مسائل ہیں۔ انہوں نے کہا کہ ماحول کیلئے آج گرین سکوک متعارف کروا رہے ہیں اور پانڈا بانڈ کا اجراءبھی جلد کیا جائے گا۔