منی پور،بھارتی فوجیوں نے 10قبائلی نوجوان ہلاک کر دیے

ہفتہ 17 مئی 2025 12:23

امپھال (اُردو پوائنٹ اخبارتازہ ترین - اے پی پی۔ 17 مئی2025ء) شورش زدہ بھارتی ریاست منی پور میں فوجیوں نے میانمار کی سرحد سے متصل ضلع چندیل میں دس قبائلی نوجوانوں کو ایک جعلی مقابلے میں ہلاک کر دیا ہے۔کشمیرمیڈیاسروس کے مطابق ان افراد کو تحصیل کھنگجوئے کے گاوئ ں نیو سمتلم میں ہلاک کیا گیا۔ریاستی پولیس نے کہا ہے کہ مرنے والے میانمار کے شہری تھے اور ان کی لاشیں میانمار کے حکام کے حوالے کر دی گئی ہیں۔

(جاری ہے)

بھارتی فوج نے بھی دعوی ٰ کیا ہے کہ ہلاک ہونے والے سرحد پار سے آئے تھے اور انہیں تصادم کے دوران مار دیا گیا۔انسانی حقوق کے گروپوں اور آزاد مبصرین نے واقعے کی شفافیت پر سوال اٹھاتے ہوئے تحقیقات کا مطالبہ کیا ہے۔ انہوں نے کہا کہ اس بات کا امکان ہے کہ فوجیوں نے ان لوگوں کو فرضی تصادم میں مار دیا ہو۔یاد رہے کہ منی پور میں مئی 2023سے میتی (ہندو) اور کوکی(عیسائی) قبائل کے درمیان محاذ آرائی کے دوران اب تک 260سے زائد افراد ہلاک اور 60ہزار کے قریب بے گھر ہو چکے ہیں۔