سعودی عرب ، ’’طریق مکہ‘‘ سے مستفید ہونے والے عازمین حج کی تعداد 10 لاکھ سے متجاوز

پیر 19 مئی 2025 09:10

ریاض (اُردو پوائنٹ اخبارتازہ ترین - اے پی پی۔ 19 مئی2025ء) سعودی وزارت داخلہ نے اعلان کیا ہے کہ اقدام "طریق مکہ" (مکہ روڈ انیشیٹو) سے مستفید ہونے والے حجاج کرام کی تعداد اب تک دس لاکھ سے تجاوز کر گئی ہے۔

(جاری ہے)

العربیہ کے مطابق سعودی وزارت داخلہ کے ان اقدامات میں سے ایک ہے جسے وہ ساتویں سال وزارت خارجہ، وزارت صحت، وزارت حج و عمرہ، وزارت اطلاعات، جنرل اتھارٹی آف سول ایوی ایشن، زکوٰۃ، ٹیکس اینڈ کسٹمز اتھارٹی، سعودی اتھارٹی فار ڈیٹا اینڈ آرٹیفیشل انٹیلیجنس (سدایا)، جنرل اتھارٹی فار اوقاف، پروگرام خدمت ضیوف الرحمن اور جنرل ڈائریکٹوریٹ آف پاسپورٹس کے تعاون سے نافذ کر رہی ہے۔

مبادرة ’’ طریق مکہ ‘‘ سعودی عرب کے وژن 2030 کے پروگرام خدمت ضیوف الرحمن کے تحت آتا ہے۔ سعودی عرب کی جانب سے ضیوف الرحمن کی میزبانی کو آسان بناتا ہے۔ مستفید ہونے والوں کو اعلیٰ معیار کی خدمات فراہم کرتا ہے اور 7 ممالک کے 11 ہوائی اڈوں سے متعدد زبانوں اور جدید ٹیکنالوجیز کے ساتھ اہل قومی عملے کے ذریعے انہیں خدمات پیش کرتی ہے۔