سندھ کے بجٹ کی تیاریاں، سرکاری ملازمین کی تنخواہوں میں 20 فیصد اضافہ متوقع

وفاق سے بجٹ میں سندھ کے حوالے سے ملنے والے فنڈز کے بارے میں ابھی کچھ نہیں پتہ، ہمیں نہیں ۔مراد علی شاہ

پیر 19 مئی 2025 16:28

سندھ کے بجٹ کی تیاریاں، سرکاری ملازمین کی تنخواہوں میں 20 فیصد اضافہ ..

کراچی(اُردو پوائنٹ اخبارتازہ ترین - این این آئی۔ 19 مئی2025ء)سندھ حکومت کی بجٹ کی تیاریاں جاری ہیں، سرکاری ملازمین کی تنخواہ میں 20 فیصد تک اضافہ متوقع ہے، ترقیاتی بجٹ ایک ہزار ارب سے زائد رکھنے کی تجویز دی گئی ہے جبکہ اضلاع کا ترقیاتی بجٹ 65 ارب روپے متوقع ہے۔ سندھ حکومت کا مقف ہے کہ صحت اور پینے کے پانی کے منصوبے پہلی ترجیح ہونگے۔سندھ حکومت کے 26-2025 کے بجٹ کی تیاریاں جاری ہیں، سرکاری ملازمین کی تنخواہ میں 20 فیصد تک اضافہ متوقع ہے جبکہ ترقیاتی بجٹ ایک ہزار ارب سے زائد رکھنے کی تجویز ہے۔

رپورٹ کے مطابق پچھلے سال ترقیاتی بجٹ 959 روپے تھا۔نئے بجٹ میں اضلاع کیلئے 65 ارب روپے مختص کرنے کی تجویز ہے، پچھلے سال اضلاع کا ترقیاتی بجٹ 55 ارب مختص تھا، سندھ حکومت کا کہنا ہے کہ ہر شعبے میں بجٹ 15 فیصد زیادہ رکھا جائے گا، صحت اور پینے کے پانی کے منصوبے پہلی ترجیح ہونگے۔

(جاری ہے)

سندھ حکومت نے کہا ہے کہ 35 کھرب روپے سے زائد کا بجٹ متوقع ہے، مختلف شعبوں سے رائے طلب کرکے حتمی بجٹ پیش کیا جائے گا۔

وزیراعلی سندھ مراد علی شاہ نے کہا کہ وفاق سے بجٹ میں سندھ کے حوالے سے ملنے والے فنڈز کے بارے میں ابھی کچھ نہیں پتہ، ہمیں نہیں پتہ کہ وفاق ہمیں اگلے مالی سال میں کتنا حصہ دے گا۔مراد علی شاہ نے کہا کہ بجٹ سے متعلق وفاق نے ہم سے کوئی تجاویز نہیں مانگی، بجٹ میں وفاق اگلے سال کتنی وصولیاں کرے گا معلوم نہیں۔