Live Updates

امریکی صدر کے دورہ سعودی سے پاکستان کیلئے بھی ترقی کے متوازی راستے کھلیں گے ‘ علی عمران آصف

پیر 19 مئی 2025 22:28

لاہور (اُردو پوائنٹ اخبارتازہ ترین - آن لائن۔ 19 مئی2025ء) سینئر ایگزیکٹو کمیٹی ممبر لاہور چیمبر آف کامرس اینڈ انڈسٹری علی عمران آصف نے کہا ہے کہ آئی ایم ایف کی معاونت کئی جہتی اصلاحات پر مبنی ہے اس لئے ہمیںطے پانے والے معاملات پر اخلاص سے پیشرفت کرنی چاہیے ،امریکی صدر کے سعودی عرب کے دورے کے دوران پیش کیے گئے تجارتی مواقع پاکستان کے لیے بھی ترقی کے متوازی راستے فراہم کریں گے ،دو طرفہ اور کثیر الجہتی معاہدوں میں ابھرتی ہوئی معیشتوں کو شامل کرنے کے لیے نئی تجارتی راہداری کھولنے کا امریکی عزم پاکستان کو عالمی سپلائی چینز میں ضم ہونے کا بروقت موقع فراہم کرتا ہے جس سے ہمیں بھرپور استفادہ کرنے کیلئے اپنی استعداد بڑھانی چاہیے ۔

اپنے بیان میں انہوں نے کہا کہ امریکی کمپنیوں کے ساتھ صفائی توانائی، ڈیجیٹل انفراسٹرکچر اور زراعت کے شعبوں میں حکمت عملی سے ہم آہنگی پاکستان کے برآمدی شعبے کو نمایاں طور پر مضبوط کر سکتی ہے، امریکی ٹیکنالوجی فراہم کرنے والوں اور ماحولیاتی حساس انفراسٹرکچر کمپنیوں کے ساتھ تعاون آر ایس ایف کے تحت پاکستان کے اہداف کی حمایت کر سکتا ہے۔

(جاری ہے)

انہوں نے کہا کہ پاکستان کا اقتصادی خاکہ پائیدار ترقی، برآمدات پر مبنی نمو، اور ادارہ جاتی شفافیت کے گرد منظم ہونا چاہیے،آئی ایم ایف کے فنڈز کو ایسے اعلی پیداوار والے شعبوں جیسے زرعی پروسیسنگ، آئی ٹی خدمات، اور قابل تجدید توانائی میں مرکوز کرنا چاہئے۔