لکی مروت اور بنوں سے پولیو کے دو نئے کیسزآگئے، رواں سال کیسز کی تعداد 10 ہو گئی

لکی مروت میں 26 ماہ کی ایک بچی ا ور بنوں میں 4ماہ کے ایک بچے میں یکم مئی کو پولیو وائرس کی تصدیق

بدھ 21 مئی 2025 11:58

لکی مروت (اُردو پوائنٹ اخبارتازہ ترین - این این آئی۔ 21 مئی2025ء)پاکستان میں پولیو وائرس کے دو نئے کیسز کی تصدیق ہو گئی ہے، جس کے بعد رواں سال ملک بھر میں پولیو کیسز کی مجموعی تعداد 10 تک پہنچ گئی ہے۔ نئے کیسز خیبر پختونخوا کے اضلاع لکی مروت اور بنوں سے رپورٹ ہوئے ہیں۔

(جاری ہے)

نیشنل ایمرجنسی آپریشن سینٹر کے مطابق لکی مروت میں 26 ماہ کی ایک بچی میں پولیو کی علامات ظاہر ہوئیں، جب کہ بنوں میں 4ماہ کے ایک بچے میں یکم مئی کو پولیو وائرس کی تصدیق ہوئی۔

پولیو کے بڑھتے ہوئے خطرات کے پیش نظر، نیشنل ای او سی نے اعلان کیا ہے کہ ملک بھر میں 26 مئی سے تیسری قومی انسداد پولیو مہم شروع کی جائے گی، جس کے دوران تقریباً 4 کروڑ 54 لاکھ بچوں کو پولیو سے بچاؤ کے قطرے پلائے جائیں گے۔حکام کا کہنا ہے کہ والدین سے بھرپور تعاون کی اپیل کی گئی ہے تاکہ ملک کو پولیو فری بنانے کی کوششیں کامیاب ہو سکیں۔