متحدہ عرب امارات ، اتحاد ایئر ویز کو685مین درہم کا ریکارڈ منافع

جمعرات 22 مئی 2025 12:10

دبئی(اُردو پوائنٹ اخبارتازہ ترین - این این آئی۔ 22 مئی2025ء)متحدہ عرب امارات کی فضائی کمپنی اتحاد ایئرویزکو 2025 کی پہلی سہ ماہی میں بعد از ٹیکس 685 ملین درہم منافع ہوا جو گزشتہ برس اسی مدت کے مقابلے میں 30 فیصد زیادہ ہے۔

(جاری ہے)

اماراتی خبررساں ادارے کے مطابق کل آمدنی میں بھی 2024 کی پہلی سہ ماہی کے مقابلے میں 15 فیصد اضافہ ریکارڈ کیا گیا جو کہ پیسنجرز اور کارگو دونوں شعبوں کی ترقی کا نتیجہ ہے۔نئے لاونج اور ان فلائٹ مینو کے ساتھ سروس کے معیارات کو بھی اپ گریڈ کیا گیا ہے۔اتحاد ایئرویز کے چیف ایگزیکٹو آفیسر، انتونوالدو نیویس نے بتایا 2025 کے دوران اتحاد کے نیٹ ورک میں 16 نئی پروازوں کا اضافہ کیا جا رہا ہے۔ بیڑے میں بھی مزید طیارے شامل ہو رہے ہیں۔