ٹرمپ کی جنوبی افریقی صدرسے ملاقات، نسل کشی کا الزام لگا دیا

ڈونلڈ ٹرمپ نے جنوبی افریقہ میں مبینہ سفید فام نسل کشی کی تصاویردکھائیں ،امریکی میڈیا

جمعرات 22 مئی 2025 15:21

ٹرمپ کی جنوبی افریقی صدرسے ملاقات، نسل کشی کا الزام لگا دیا

پریٹوریا(اُردو پوائنٹ اخبارتازہ ترین - این این آئی۔ 22 مئی2025ء)جنوبی افریقہ کے صدر رامافوسا نے اوول آفس میں صدر ڈونلڈ ٹرمپ سے ملاقات کی جس میں امریکی صدر نے مہمان پر سفید فام افراد کی نسل کشی کا الزام لگایا۔میڈیارپورٹس کے مطابق ملاقات میں ڈونلڈ ٹرمپ نے جنوبی افریقہ میں مبینہ سفید فام نسل کشی کی تصاویر دکھائیں اور سفید فام افریقیوں پر تشدد کی شکایات کا ذکر کیا۔

(جاری ہے)

اس موقع پر رامافوسا نے ان تصاویر کو جنوبی افریقہ کی درست عکاسی قرار دینے سے انکار کیا اور کہا کہ آئین تمام اقلیتوں کے حقوق کا تحفظ کرتا ہے۔ رامافوسا کا کہنا تھا کہ تشدد کا نشانہ صرف سفید فام نہیں بلکہ تمام طبقات بنتے ہیں، جرائم میں ہلاک ہونے والوں میں اکثریت سیاہ فاموں کی ہے۔ رامافوسا نے امریکی صدر کو کہا کہ میرے پاس آپ کو دینے کے لیے طیارہ نہیں ہے۔ اس پر ڈونلڈ ٹرمپ کہا کہ آپ یہ پیشکش کریں تو میں ضرور قبول کروں گا۔