کوئی بھی شخص چھ سال بعد ویسا نہیں رہتا، علیزے شاہ

میں نے کوئی کاسمیٹک سرجری نہیں کروائی،اداکارہ نے پلاسٹک سرجری کی افواہوں کی تردید کر دی

جمعرات 22 مئی 2025 17:14

کوئی بھی شخص چھ سال بعد ویسا نہیں رہتا، علیزے شاہ

کراچی(اُردو پوائنٹ اخبارتازہ ترین - این این آئی۔ 22 مئی2025ء)پاکستانی اداکارہ علیزے شاہ سوشل میڈیا پر پلاسٹک سرجری سے متعلق افواہوں کی زد میں ہیں۔حالیہ دنوں میں، ان کی ڈرامہ عشق بے پرواہ میں شاندار اداکاری نے ناظرین کی توجہ حاصل کی، تاہم ان کے چہرے اورجسم میں آئی تبدیلیوں نے پلاسٹک سرجری کی افواہیں جنم دی ہیں۔ایک سینیئر ادا کارہ نے ایک ٹی وی شو میں علیزے کی ظاہری شخصیت پر تبصرہ کرتے ہوئے کہا تھا کہ وہ بیس فیصد قدرتی ہیں اور باقی حلیہ مصنوعی لگتا ہے۔

(جاری ہے)

اس بیان کے بعد علیزے شاہ نے سوشل میڈیا پر ایک ویڈیو شیئر کی اور واضح کیا کہ انہوں نے کسی قسم کی کاسمیٹک سرجری نہیں کروائی۔علیزے نے اپنی ویڈیو میں کہا: خدارا! میں نے کوئی کاسمیٹک سرجری نہیں کروائی، بس میرا وزن کم ہوا ہے۔ جب میں نے عہدِ وفا کیا تھا، تو میری عمر صرف 17 سال تھی، اب میں 23 سال کی ہوں، اور کوئی بھی شخص چھ سال بعد ویسا نہیں رہتا۔یاد رہے کہ علیزے شاہ کے انسٹاگرام پر 4.3 ملین فالوورز ہیں، اور وہ اپنی پوسٹس اور بیانات کی وجہ سے سوشل میڈیا پر اکثر زیر بحث رہتی ہیں۔ان کے مشہور ڈراموں میں عشق تمنا، احدِ وفا، میرا دل میرا دشمن، دل موم کا دیا، محبت کی آخری کہانی اور تقدیر شامل ہیں۔