سی ای او ایل ڈبلیو ایم سی بابر صاحب دین کاتحصیل فیروز والہ کے مختلف علاقوں کا دورہ، صفائی انتظامات کا جائزہ لیا

جمعہ 23 مئی 2025 20:10

لاہور (اُردو پوائنٹ اخبارتازہ ترین - اے پی پی۔ 23 مئی2025ء) تحصیل فیروز والہ میں صاف ماحول اورصفائی سہولیات کی فراہمی ممکن بنانے کے لیے سی ای او ایل ڈبلیو ایم سی خود فیلڈ میں متحرک ہیں۔ستھرا پنجاب مہم کے تحت بہترین صفائی نظام برقرار رکھنے کے لیے بابر صاحب دین نے تحصیل فیروز والہ کے مختلف علاقوں کے دورے کیے۔سگیاں روڈ، پھول منڈی چوک، شرقپور روڈ، جڑانوالہ روڈ، فیض پور انٹرچینج اور اس سے ملحقہ علاقوں کی گلی محلوں میں مینوئل سویپنگ اور ڈور ٹو ڈور ویسٹ کولیکشن کا جائزہ لیا۔

اس موقع پرآپریشن پر موجود افسران کومین روڈز، اہم شاہراہوں پر مینوئل سویپنگ بہتر کرنے اور یو ٹرنز، سروس لینز، بازاروں میں مینوئل سویپنگ پر خصوصی توجہ دینے کی ہدایات جاری کیں جبکہ اس دوران دوکانداروں، رہائشیوں اور علاقہ مکینوں سے ڈور ٹو ڈور ویسٹ کولیکشن کے بارے میں بات چیت بھی کی۔

(جاری ہے)

دورانِ گفتگو علاقہ مکینوں نے بتایا کہ ڈور ٹو ڈور ویسٹ کولیکشن پراجیکٹ شروع کرنے پر وزیر اعلی کے مشکور ہیں۔

سی ای او بابر صاحب دین کا اس حوالے سے کہنا ہے کہ رہائشیوں کو صاف ستھرے ماحول کی فراہمی ہی اولین ترجیح ہے۔ عید قربان پر شہر کو تعفن اور آلائشوں سے بروقت پاک کرنے کے لیے تمام علاقوں کو زیرو ویسٹ کیا جا رہا ہے۔ شہریوں سے بھی گزارش ہے کہ ایل ڈبلیو ایم سی کی ٹیموں کے ساتھ تعاون کریں، کوڑا ایل ڈبلیو ایم سی ورکرز کے حوالے کریں۔ صفائی سے متعلق شکایات کے ازالے کے لیے ہیلپ لائن 1139پر رابطہ کریں یا سوشل میڈیا کا استعمال کریں۔