ش*امریکی اضافی ٹیرف فریقین کیلئے نقصان دہ ہونگے‘ یورپی یونین نے خبردارکردیا

ٓیورپی یونین ایسے معاہدے کیلئے پُرعزم ہے جس سے دونوں فریقین کو فائدہ ہو‘سربراہ تجارتی امور

ہفتہ 24 مئی 2025 18:45

] برسلز (اُردو پوائنٹ اخبارتازہ ترین - آن لائن۔ 24 مئی2025ء)یورپی یونین نے متنبہ کیا ہے کہ امریکی اضافی ٹیرف فریقین کیلئے نقصان دہ ہونگے۔یورپی یونین کے تجارتی امور کے سربراہ ماروس سیفکووچ نے کہا ہے کہ یورپی یونین ایسے معاہدے کیلئے پُرعزم ہے جس سے دونوں فریقین کو فائدہ ہو۔

(جاری ہے)

غیر ملکی میڈیا کے مطابق یورپی یونین کے تجارتی امور کے سربراہ ماروس سیفکووچ نے بیان میں کہا ہے کہ اپنے مفادات کے دفاع کیلیے تیار ہیں۔انہوں نے بتایا کہ امریکی صدر ٹرمپ نے گزشتہ روز یورپی یونین پر 50 فیصد ٹیرف عائد کرنے کی دھمکی دی تھی۔انہوں نے مزید کہا کہ امریکا کے ساتھ دھمکیوں کی بجائے احترام کی بنیاد پر تجارتی معاہدہ چاہتے ہیں۔