رحیم یار خان، نہر کا شگاف 40 گھنٹے بعد بھی پٴْر نہ کیا جا سکا، 10 دیہات متاثر

ہفتہ 24 مئی 2025 19:35

رحیم یار خان (اُردو پوائنٹ اخبارتازہ ترین - این این آئی۔ 24 مئی2025ء) ہیڈ پنجند سے نکلی نہر صادق فیڈر کے شگاف کو 40 گھنٹے بعد بھی پٴْر نہ کیا جا سکا، 10 دیہات متاثر ہو گئے۔انتظامیہ کے مطابق نہر میں پڑنے والے 150 فٹ چوڑے شگاف نے ہر طرف تباہی مچا دی ہے، پانی ا?بادیوں میں داخل ہونے سے علاقے میں سیلابی صورت حال ہے۔

(جاری ہے)

ضلعی حکام نے بتایا کہ 50 ہزار ایکڑ زرعی اراضی اور سینکڑوں شہری رقبہ بھی متاثر ہوا ہے، کوٹ سمابہ میں 200 سے زائد خاندان بے گھر ہو گئے ہیں، متاثرہ خاندانوں کو مال مویشیوں سمیت محفوظ مقام پر منتقل کر دیا گیا۔

حکام کے مطابق سیلاب کے باعث مرکزی شاہراہ پر زمینی رابطہ جزوی طور پر بحال کر دیا گیا ہے، شگاف بند کرنے میں مزید وقت درکار ہے۔محکمہ آبپاشی، ڈیزاسٹر مینجمنٹ اتھارٹی، ریسکیو اور مقامی افراد شگاف پٴْر کرنے میں مصروف ہیں۔