پروفیسر اختر بلوچ کی علمی و سیاسی خدمات نمایاں ،مرحوم علم کے سمندر ،محنت کی باوقار علامت تھے،عبدالمالک بلوچ

ہفتہ 24 مئی 2025 22:05

کوئٹہ(اُردو پوائنٹ اخبارتازہ ترین - این این آئی۔ 24 مئی2025ء)نیشنل پارٹی کے سربراہ ڈاکٹر عبدالمالک بلوچ نے پروفیسر اختر بلوچ کے انتقال پر گہرے رنج و غم کا اظہار کرتے ہوئے کہا ہے کہ پروفیسر اختر بلوچ کی نمایاں علمی و سیاسی خدمات ہیں مرحوم علم کے سمندر اور محنت کی باوقار علامت تھے ۔

(جاری ہے)

اپنے ایک تعزیتی بیان میں ڈاکٹر عبدالمالک بلوچ نے کہا کہ پروفیسر اختر بلوچ شعوری و فکری تنظیم بی ایس او کے پیدوار تھے پروفیسر اختر بلوچ نے ہزاروں طالب علموں کو علم سے منور کیا۔نیشنل پارٹی پروفیسر اختر بلوچ کی خدمات کو قدر کی نگاہ سے دیکھتی ہے ۔انہوں نے کہا کہ غم کی اس گھڑی میں نیشنل پارٹی پروفیسر کے خاندان کے ساتھ دلی ہمدردی کا اظہار کرتی ہے۔