آئس فیکٹری مالکان کی من مانیاں عروج پر پہنچ گئیں ،برف کا بلاک مہنگا کر دیا

پیر 26 مئی 2025 17:04

رائے ونڈ (اُردو پوائنٹ اخبارتازہ ترین - این این آئی۔ 26 مئی2025ء)رائے ونڈ آئس فیکٹری مالکان کی من مانیاں عروج پر پہنچ گئیں ،برف کا بلاک مہنگا ہونے سے غریب آدمی ٹھنڈا پانی پینے سے قاصر ہے ۔

(جاری ہے)

تفصیلات کے مطابق گرمی کی شدت بڑھتے ہی آئس فیکٹری مالکان نے ناجائز منافع خوری شروع کردی ،5سو روپے میں فروخت ہونیوالا برف کا بلاک 8سو روپے تک فروخت ہونے لگا ہے آئس ڈیلرز بھی ناجائز منافع خوری میں کسی سے پیچھے نہیں ہیں عام آدمی ٹھنڈا پانی پینے سے بھی قاصر نظر آرہا ہے ،بیس اور پچاس روپے میں برف خرید کر گزارا کرنے والے گاہک اب 100روپے سے کم برف خریدنے سے قاصر ہیں برف کی اچانک بڑھتی ہوئی قیمتوں پر شہری پریشان ہیں ،ادھر رائے ونڈ شہر کے درجنوں مقامات پر برف فروخت کرنیوالے افراد کا کہنا ہے کہ برف کارخانوں سے مہنگی برف ملنے پر لوگ ان کیساتھ جھگڑا کرتے ہیں ،آئس فیکٹری مالکان اپنی من مرضی کے ریٹ پر برف فروخت کرتے ہیں انکو ضلعی انتظامیہ سمیت کوئی پوچھنے والا نہیں ہے شہریوں نے ضلعی انتظامیہ سے مطالبہ کیا ہے کہ برف کے مقرر کردہ نرخوں پر عمل درآمد یقینی بنایا جائے ۔