گذشتہ چوبیس گھنٹوں کے دوران پنجاب بھرمیں 1334ٹریفک حادثات میں 15افراد جاں بحق1591زخمی ہو ئے، ایمرجنسی سروسز ڈیپارٹمنٹ

پیر 26 مئی 2025 17:05

لاہور (اُردو پوائنٹ اخبارتازہ ترین - اے پی پی۔ 26 مئی2025ء) گذشتہ 24 گھنٹوں کے دوران پنجاب بھرمیں 1334ٹریفک حادثات میں 15افراد جاں بحق1591زخمی ہو گئے۔ ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1334ٹریفک حادثات پر ریسپانڈ کیا جن میں 683افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔

ترجمان کے مطابق908معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی ۔ان حادثات میں زیادہ تر تعداد (75فیصد)موٹر سائیکل حادثات کی ہے۔

(جاری ہے)

ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 870ڈرائیوز،73کم عمرڈرائیور، 579مسافراور157پیدل چلنے والے افراد متاثر ہوئے۔

اعدادو شمار سے ظاہر ہوتا ہے کہ258ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت325متاثرین کے ساتھ پہلے فیصل آباد 86حادثات میں 106متاثرین کے ساتھ دوسر ے،گوجرانوالہ 82حادثات میں 91متاثرین کے سا تھ تیسرے نمبرپررہا۔ٹریفک حادثات کے بیشتر واقعات میں 1276موٹرسائیکل،84آٹورکشے،137کاریں،30وین،14مسافر بسیں،39ٹرک اور115دوسری اقسام کی گاڑیاں شامل ہیں۔