اسرائیل کی یورپ کے مغربی کنارے کو ضم کرنے کی دھمکی

فلسطین کو تسلیم کرنے کی صورت میں اسرائیل یکطرفہ اقدامات اٹھاسکتا ہے،غیرملکی سفارتکار

منگل 27 مئی 2025 12:41

تل ابیب (اُردو پوائنٹ اخبارتازہ ترین - این این آئی۔ 27 مئی2025ء)اسرائیلی حکومت کے وزرا نے بڑے یورپی ممالک کو خبردار کیا ہے کہ فلسطینی ریاست کو یکطرفہ طور پر تسلیم کرنے سے اسرائیل بھی یکطرفہ اقدامات اٹھا سکتا ہے۔ ان اقدامات میں مغربی کنارے کے کچھ حصوں کا الحاق بھی شامل ہے۔

(جاری ہے)

اسرائیلی اخبار نے ایک باخبر غیر ملکی سفارت کار کے حوالے سے بتایا کہ اسرائیلی سٹریٹجک امور کے وزیر رون ڈیرمر نے فرانسیسی وزیر خارجہ ژان نوئیل بارو اور برطانوی وزیر خارجہ ڈیوڈ لامی کو خبردار کیا کہ اسرائیل فلسطینی ریاست کو تسلیم کرنے کے جواب میں مغربی کنارے کے علاقہ ج کو ضم کر سکتا ہے اور غیر مجاز بستیوں کو قانونی حیثیت دے سکتا ہے۔

اسرائیلی وزیر خارجہ جدعون ساعر نے برطانیہ، فرانس اور دیگر ممالک کے اپنے ہم منصبوں کو ایک ایسا ہی پیغام بھیجا ہے جس میں خبردار کیا گیا ہے کہ اسرائیل کے خلاف کسی بھی اقدام کا مقابلہ اسرائیلی اقدامات سے کیا جائے گا۔ان اقدامات میں مغربی کنارے کی بستیوں اور وادی اردن (اردن وادی) کے کچھ حصوں پر خودمختاری کا اطلاق کرنا بھی شامل ہے۔ رپورٹ کے مطابق گیڈون ساعر نے کہا کہ اسرائیل کے خلاف کسی بھی یکطرفہ اقدام کا مقابلہ اسرائیل کی طرف سے یکطرفہ اقدامات سے کیا جائے گا۔