ْشیخوپورہ،تیز رفتار ڈمپر نے موٹرسائیکل سواروں کو کچل دیا، ماں بیٹی جاں بحق، باپ بیٹا زخمی

منگل 27 مئی 2025 19:50

شیخوپورہ (اُردو پوائنٹ اخبارتازہ ترین - این این آئی۔ 27 مئی2025ء)شیخوپورہ میں لاہور روڈ پر تیز رفتار ڈمپر نے موٹرسائیکل سواروں کو کچل دیا، حادثے میں ماں بیٹی جاں بحق اور باپ اور بیٹا زخمی ہوگئے۔

(جاری ہے)

میڈیا رپورٹ کے مطابق شیخوپورہ میں افسوسناک حادثہ پیش آیا ہے جہاں لاہور روڈ پر قلعہ ستار شاہ کے قریب ڈمپر نے موٹرسائیکل سواروں کو کچل دیا، حادثے کے نتیجے میں ماں اور اس کی بیٹی جان کی بازی ہار گئے، باپ اور بیٹا زخمی ہوگئے۔مرنے والوں میں 30 سالہ شازیہ اور 9 سالہ ثنا شامل ہیں، جو حادثے کے بعد موقع پر ہی دم توڑ گئیں، ریسکیو 1122 نے لاشوں اور زخمیوں کو ہسپتال منتقل کردیا۔پولیس نے موقع پر پہنچ کر تفتیش شروع کر دی۔