حجرہ شاہ مقیم ،یوسی ناظم کے قاتل کو تین بار عمر قید کی سزا

مجر م نے فائرنگ کر کے چیئر مین مارکیٹ کمیٹی سمیت دو افراد کو قتل کیا

بدھ 28 مئی 2025 12:13

حجرہ شاہ مقیم ،یوسی ناظم کے قاتل کو تین بار عمر قید کی سزا

حجرہ شاہ مقیم (اُردو پوائنٹ اخبارتازہ ترین - این این آئی۔ 28 مئی2025ء)ایڈیشنل سیشن جج دیپالپور طارق سلیم چوہان نے سیاسی مخالفت اور سابقہ دشمنی پر قتل کے مقدمے میں جرم ثابت ہونے پر مجرم وسیم عباس کو تین مرتبہ عمر قید اور ایک لاکھ روپے جرمانہ کی سزا سنائی ہے، بصورتِ دیگر چھ ماہ اضافی قید بھگتنا ہوگی۔

(جاری ہے)

مجرم وسیم عباس نے 2015میںبلدیاتی الیکشن مہم کے دوران کلاشن کو ف سے فائرنگ کر کے اپنے سیاسی حریف چیئرمین مارکیٹ کمیٹی و سابق ناظم یونین کونسل ملک محمد اسلم چنا اور انکے ساتھی کو موت کے گھاٹ اتار دیا تھاجو اس الیکشن میں چیئر مین کے امیدوار تھے ۔

پولیس کی موثر تفتیش اور قانونی ٹیم کی محنت کے باعث عدالت نے مجرم کو قرار واقعی سزا سنائی۔ڈی پی اوراشد ہدایت نے کیس کے تفتیشی افسر اور پراسیکیوشن ٹیم کی کارکردگی کو سراہتے ہوئے انہیں شاباش دی۔ انہوں نے واضح کیا کہ کسی بے گناہ انسان کا ناحق خون بہانے والا کسی بھی رعایت کا مستحق نہیں۔