صوبہ بھر میں زراعت شماری کا کام مکمل کر لیا گیا ہے،زراعت شماری حکام

جمعرات 29 مئی 2025 11:20

پشاور (اُردو پوائنٹ اخبارتازہ ترین - اے پی پی۔ 29 مئی2025ء) صوبہ بھر میں زراعت شماری کا کام مکمل کر لیا گیا ہے۔ اس سلسلے میں پشاور سمیت صوبے کے تمام اضلاع میں 3 ہزار سے زائد عملے نے اس سروے میں حصہ لیا ہے ۔زراعت شماری حکام کے مطابق اس ضمن میں پشاور سمیت صوبہ بھر کے دیہاتی اور شہری علاقوں کو مختلف الگ الگ بلاکس میں تقسیم کیا گیا تھا جس کے تحت خیبر پختونخوا میں دو ہزار سے زائد یونٹس منتخب کئے گئے تھے۔

(جاری ہے)

حکام نے بتایا کہ ان اضلاع میں پشاور ،چارسدہ، مردان، نوشہرہ اور صوابی سمیت مختلف اضلاع میں زراعت شماری میں فصلوں،زرعی مشینری،لائیو سٹاک ،دودھ اورگوشت کی پیداوار،باغات ،مویشی ،جانوروں کی بیماریوں اورصاف پانی وغیرہ کے بارے میں شماریات کو اکٹھا کیا گیا۔اس کے علاوہ صوبے کے مختلف ضلعوں میں باغات وغیرہ کے بارے میں بھی رپورٹ مرتب کی گئی ہے۔ حکام نے بتایا کہ اس سروے پر مبنی رپورٹ کو مرکز کو بھجوا دیا گیاہے۔