فیصل آباد: تھانہ صدر کی حدود میں ڈاکوؤں کا راج، یاسین چوک پر ناکہ لگا کر لوٹ مار، لڑکی کو گولی مار کر زخمی کر دیا

جمعرات 29 مئی 2025 13:42

مکوآنہ (اُردو پوائنٹ اخبارتازہ ترین - این این آئی۔ 29 مئی2025ء)تھانہ صدر فیصل آباد کی حدود میں جرائم پیشہ عناصر نے پولیس کی رٹ کو چیلنج کرتے ہوئے خوف و ہراس پھیلا دیا ہے۔ مائی مستانی روڈ یاسین چوک کے مقام پر گزشتہ رات نامعلوم ڈاکوؤں نے ناکہ لگا کر راہگیروں کو لوٹ لیا۔ عینی شاہدین کے مطابق ڈاکوؤں نے ذیشان، رفاقت اور دیگر شہریوں سے قیمتی موبائل فونز اور نقدی چھین لی، جبکہ مزاحمت پر ایک نوجوان لڑکی کو فائر مار کر زخمی کر دیا۔

زخمی لڑکی کو فوری طور پر قریبی اسپتال منتقل کر دیا گیا، جہاں اس کی حالت نازک بتائی جا رہی ہے۔ شہریوں کا کہنا ہے کہ یہ پہلا واقعہ نہیں، اس مقام پر آئے روز ڈاکو ناکہ لگا کر لوٹ مار کرتے ہیں، مگر پولیس گشت اور سیکیورٹی اقدامات نہ ہونے کے برابر ہیں۔

(جاری ہے)

علاقہ مکین خوفزدہ، پولیس خاموش یاسین چوک اور مائی مستانی روڈ جیسے مصروف علاقوں میں ڈاکوؤں کی دیدہ دلیری نے شہریوں کو عدم تحفظ کا شکار بنا دیا ہے۔

شہری حلقوں کا کہنا ہے کہ یہ علاقہ مسلسل وارداتوں کی زد میں ہے، اور پولیس کی جانب سے صرف رسمی کارروائیاں کی جاتی ہیں، مگر کوئی مستقل حکمتِ عملی نظر نہیں آتی۔علاقہ مکینوں نے آر پی او فیصل آباد، سی پی او فیصل آباد، اور ڈی ایس پی صدر سرکل سے مطالبہ کیا ہے کہ:اس مقام پر مستقل پولیس ناکہ قائم کیا جائیپولیس گشت کا نظام مو?ثر اور باقاعدہ بنایا جائیملزمان کو فوری گرفتار کر کے مثالی سزا دی جائیعلاقہ میں سی سی ٹی وی کیمرے اور اسٹریٹ لائٹس نصب کی جائیں شہریوں نے خبردار کیا ہے کہ اگر پولیس نے اس معاملے کو سنجیدگی سے نہ لیا تو علاقہ مکین خود احتجاج پر مجبور ہوں گے۔

تازہ ترین اطلاعات کے مطابق زخمی لڑکی کی شناخت اور ڈاکوؤں کی گرفتاری کے حوالے سے پولیس کی جانب سے کوئی باضابطہ بیان جاری نہیں کیا گیا۔