Live Updates

بلاول بھٹو زرداری کا چین میں شدید بارش، سیلاب اور لینڈ سلائیڈنگ سے جانی و مالی نقصان پر اظہار افسوس

بدھ 30 جولائی 2025 17:56

اسلام آباد (اُردو پوائنٹ اخبارتازہ ترین - اے پی پی۔ 30 جولائی2025ء) پاکستان پیپلز پارٹی کے چیئرمین بلاول بھٹو زرداری نے چین میں مون سون کے دوران شدید بارش، سیلاب اور لینڈ سلائیڈنگ کے باعث جانی و مالی نقصان پر گہرے دکھ و افسوس کا اظہار کیا ہے۔

(جاری ہے)

پی پی پی میڈیا سیل بلاول ہاوَس سے جاری پریس ریلیز کے مطابق چیئرمین پی پی پی نے قدرتی آفت کے نتیجے میں قیمتی انسانی جانوں کے ضیاع پر چین کی حکومت اور عوام سے دلی ہمدردی اور تعزیت کا اظہار کرتے ہوئے کہا کہ اس مشکل وقت میں پاکستان پیپلز پارٹی سمیت تمام پاکستانیوں کی دعائیں متاثرہ خاندانوں کے ساتھ ہیں۔

بلاول بھٹو زرداری نے کہا کہ پاکستان اور چین صرف دو پڑوسی ممالک نہیں بلکہ ہمارے عوام کے دل ایک ساتھ دھڑکتے ہیں۔ انہوں نے کہا کہ پاک -چین تعلقات غیرمتزلزل اعتماد اور بے مثال محبت پر قائم دو مضبوط دوستوں اور بھائیوں کا رشتہ ہے۔