Live Updates

کمل ہاسن کا کرناٹک کی سرکاری زبان سے متعلق بیان، بھارت میں ہنگامہ کھڑا ہو گیا

جمعرات 29 مئی 2025 14:00

ممبئی (اُردو پوائنٹ اخبارتازہ ترین - این این آئی۔ 29 مئی2025ء)بھارت کی کناڈا زبان تمل سے نکلی ہے، بالی ووڈ اداکار اور سیاستدان کمل ہاسن کے ریاست کرناٹک کی سرکاری زبان کناڈا سے متعلق اس متنازع بیان نے بھارت میں ہنگامہ کھڑا کر دیا۔حکمران جماعت بھارتیہ جنتا پارٹی (بی جے پی)نے اداکار سے غیر مشروط معافی مانگنے کا مطالبہ کر دیا۔

(جاری ہے)

کناڈا تنظیموں نے کمل ہاسن کی 5 جون کو ریلیز ہونے والی فلم کے بائیکاٹ اور کمل ہاسن کی معافی تک کرناٹک کے سنیماں میں فلم نہ لگنے دینے کی دھمکی دے دی۔

اپنے اوپر ہونے والی تنقید پر کمل ہاسن نے وضاحت کرتے ہوئے کہا ہے کہ مجھ سمیت سیاستدانوں کے پاس اتنا علم نہیں ہوتا کہ وہ زبانوں سے متعلق بات کر سکیں اس لیے معاملہ مرخین اور ماہرِ لسانیات پر چھوڑ دیتے ہیں، محبت کبھی معذرت نہیں کرتی۔خیال رہے کہ کمل ہاسن نے کناڈا زبان سے متعلق بیان چنئی شہر میں اپنی فلم کی آڈیو لانچ کے دوران دیا تھا۔