Live Updates

سندھ میں عوام کے لئے صحت کی بہترین سہولیات، دوسرے صوبوں کے لوگ بھی مستفید ہوتے ہیں ، مراد علی شاہ

جمعرات 29 مئی 2025 22:40

کراچی (اُردو پوائنٹ اخبارتازہ ترین - آن لائن۔ 29 مئی2025ء) وزیر اعلی سندھ مراد علی شاہ نے کہا ہے کہ سندھ میں عوام کو صحت کی بہترین سہولیات فراہم کر رہے ہیں ۔ دوسرے صوبوں کے لوگ بھی یہاں آکر ان سہولیات سے مستفید ہو رہے ہیں ۔ پچیس ارب روپے کی لاگت سے صرف چھ ماہ میں جدید سہولیات سے آراستہ دل کا ہسپتال بنا ڈالا ۔ آنے والا بجٹ مشکل ہو گا ۔ کراچی بلدیہ ٹاون میں ہسپتال کی افتتاحی تقریب سے خطاب کرتے ہوے انہوں نے کہا چھ سے سے آٹھ ماہ میں دل کا ہسپتال تعمیر کیا گیا ہے جس میں ہر طرح کی جدیدسہولت میسر ہے انہوں نے کہا ہم عوام کو صحت کی بہترین سہولیات کی فراہمی کے لئے کوشاں ہیں۔

سندھ میں صحت کی اتنی بہترین سہولیات میسر ہیں کہ دوسرے صوبے خصوصا بلوچستان کے عوام بھی ان سے مستفید ہونے کے لئے آتے ہیں ۔

(جاری ہے)

انہوں نے کہا ہم نے پچیس ارب روپے سے زیادہ کی لاگت سے دل کا یہ ہسپتال بنایا ۔ ہسپتال کے قیام نے امراض قلب کے مریضوں کو بہترین سہولیا ت فراہم کی جا سکیں گی ۔ آجکل نوجوان طبقہ بھی دل کے امراض میں مبتلا ہوتا جا رہا ہے ۔

انہوں نے کہا دوہزار گیارہ میں وفاقی حکومت نے اچانک ہسپتالوں کے فنڈز دینا بند کر دئیے تھے ، این آئی سی وی ڈی کے لئے کوئی بجٹ نہیں رکھا تھا تاہم صوبے نے پچیس ارب روپے مختص کئے تھے۔ وفاقی کا بینہ کی عجیب منطق تھی کہ ہسپتال کا بجٹ سندھ دے گا اور کنٹرول وفاق کے پاس ہو گا ۔ انہوں نے کہا کہ آنے والا بجٹ کافی مشکل ہو گا کیونکہ ترقیاتی منصوبوں پر خرچہ زیادہ ہونا ہے ۔