شادی کی پہلی سالگرہ، فیروز خان اور ڈاکٹر زینب کی تصویر وائرل

اداکار فیروز نے گزشتہ مئی میں ڈاکٹر زینب سے دوسری شادی کی تھی، فیروز کی اہلیہ ڈاکٹر زینب ذہنی صحت کی ڈاکٹر ہیں

جمعہ 30 مئی 2025 13:21

شادی کی پہلی سالگرہ، فیروز خان اور ڈاکٹر زینب کی تصویر وائرل

کراچی (اُردو پوائنٹ اخبارتازہ ترین - این این آئی۔ 30 مئی2025ء)پاکستان شوبز انڈسٹری کے معروف اداکار فیروز خان اپنی دوسری بیوی ڈاکٹر زینب کے ساتھ شادی کی پہلی سالگرہ منا رہے ہیں۔فوٹو اینڈ شیئرنگ ایپ انسٹاگرام پر پاکستان شوبز انڈسٹری کے معروف اداکار فیروز خان نے اپنی دوسری اہلیہ ڈاکٹر زینب کے ہمراہ ایک سیلفی شیئر کی ہے۔سوشل میڈیا پر تصویر شیئر کرتے ہوئے اداکار نے بتایا کہ آج اداکار اور زینب اپنی شادی کی پہلی سالگرہ منا رہے ہیں، تصویر میں دونوں کو خوشگوار موڈ میں دیکھا جاسکتا ہے۔

اداکار نے چند گھنٹوں قبل یہ تصویر شیئر کی جسے ہزاروں کی تعداد میں مداح دیکھ چکے ہیں اور جوڑے کے لیے ہمیشہ خوش اور ایک ساتھ رہنے کی دلی خواہشات کا اظہار کیا۔اس کے علاوہ فیروز خان کی اہلیہ نے انسٹا اسٹوری پر اداکار کی جانب سے سرپرائز کی ایک جھلک بھی شیئر کی جس میں کینڈل لائٹ ڈنر ٹیبل دیکھا جاسکتا ہے ساتھ ہی انہوں نے لکھا ’’ہیپی اینیورسری پارٹنر ۔

(جاری ہے)

واضح رہے کہ اداکار فیروز نے گزشتہ مئی میں ڈاکٹر زینب سے دوسری شادی کی تھی، فیروز کی اہلیہ ڈاکٹر زینب ذہنی صحت کی ڈاکٹر ہیں۔یاد رہے کہ فیروز خان کی پہلی شادی علیزہ سلطان سے ہوئی تھی لیکن شادی کے کچھ عرصے بعد ہی دونوں نے علیحدگی اختیار کرلی، فیروز اور علیزہ کے دو بچے سلطان اور فاطمہ ہیں۔