خیبر پختونخوا سے دوسرے مرحلے میں ہزاروں افغان باشندے افغانستان واپس چلے گئے،محکمہ داخل کے پی کے

جمعہ 30 مئی 2025 15:27

پشاور (اُردو پوائنٹ اخبارتازہ ترین - اے پی پی۔ 30 مئی2025ء) خیبر پختونخوا سے دوسرے مرحلے میں ہزاروں افغان باشندے افغانستان واپس چلے گئے۔محکمہ داخلہ خیبرپختونخوا نے کہا ہے کہ دوسرے مرحلے میں 37 ہزار 906 افغان سٹیزن کارڈ ہولڈرز مختلف بارڈرز سے وطن واپس گئے ہیں۔

(جاری ہے)

صوبائی محکمہ داخلہ کے مطابق 20 ہزار 243 غیر قانونی تارکین وطن کو براستہ طورخم افغانستان بھجوایا گیا، ستمبر 2023 سے اب تک 5 لاکھ 49 ہزار 932 مہاجرین افغانستان جا چکے ہیں۔گزشتہ روز طور خم سرحد سے 606 غیر قانونی تارکین کو افغانستان بھجوایا گیا، محکمہ داخلہ کے مطابق 243 افغان سیٹزن کارڈ ہولڈرز کو بھی واپس وطن بھیجا گی۔