سپرنٹنڈنٹ، اسسٹنٹ اورکلر ک ایسوسی ایشن سول سیکر ٹریٹ پشاور کے انتخابا ت میں شاہین پینل نے میدان مار لیا

جمعہ 30 مئی 2025 20:00

پشاور (اُردو پوائنٹ اخبارتازہ ترین - اے پی پی۔ 30 مئی2025ء) سپرنٹنڈنٹ، اسسٹنٹ اورکلرک ایسوسی ایشن سول سیکر ٹریٹ پشاور کے انتخابات میں شاہین پینل نے واضح برتری حاصل کر لی۔ انتخابات کے انعقاد کا عمل ریسورس سینٹر میں الیکشن کمشنر سیف الرحمان کی زیر نگرانی پایا تکمیل کو پہنچا،جس میں شاہین پینل کے امیدوار ظفر خان یوسف زئی نے611 ووٹ حا صل کرتے ہوئے بھاری اکثریت سے کامیابی حاصل کی جبکہ ان کے مد مقابل ارشد خان کو 107 ووٹ ملے۔

انتخابات میں کل 728 ووٹ پول کیے گئے جن میں سے 10 ووٹ مسترد ہوئے ۔

(جاری ہے)

شاہین پینل کے دیگر عہدیداران میں محمد شعیب جنرل سیکرٹری اورعمران خان ڈپٹی جنرل سیکرٹری بھی شامل ہیں۔ اس امر کا اعلان ایڈ منسٹریشن ڈیپارٹمنٹ حکومت خیبر پختونخوا کے جاری کردہ ایک اعلامیے میں کیا گیا ہے۔ دریں اثنا ایسوسی ایشن کے نو منتخب صدر اور دیگر عہدیداروں نے انتخابات میں کامیابی پر تمام متعلقہ ملازمین کا تہہ دل سے شکریہ ادا کرتے ہوئے اس عزم کا اظہار کیا ہے کہ وہ ان کے اعتماد پر پورا اترنے کی بھرپور کوشش کریں گے اور ملازمین کے مسائل کے حل اور انہیں ان کے جائز حقوق دلانے میں اپنی تمام تر توانائیاں بروئے کار لائیں گے۔