ڈائریکٹر جنرل پارکس اینڈ ہارٹیکلچر اتھارٹی راولپنڈی احمد حسن رانجھا کا چاندنی چوک کا خصوصی دورہ

ہفتہ 31 مئی 2025 15:40

راولپنڈی (اُردو پوائنٹ اخبارتازہ ترین - اے پی پی۔ 31 مئی2025ء) ڈائریکٹر جنرل پارکس اینڈ ہارٹیکلچر اتھارٹی (پی ایچ اے)راولپنڈی احمد حسن رانجھا نے چاندنی چوک کا خصوصی دورہ کیا جہاں انہوں نے جاری ہارٹیکلچر اور خوبصورتی کے کاموں کا تفصیلی جائزہ لیا۔ دورے کے دوران ڈی جی پی ایچ اے نے چاندنی چوک فلائی اوور کے نیچے مختلف مقامات کا معائنہ کیا اور متعلقہ عملے کو ہدایات جاری کیں کہ علاقے کی خوبصورتی کو مزید بہتر بنانے اور سرسبز ماحول کو برقرار رکھنے کے لیے خصوصی اقدامات کیے جائیں۔

اس سے قبل ڈی جی پی ایچ اے نے ڈپٹی کمشنر راولپنڈی حسن وقار چیمہ کے ہمراہ چاندنی چوک کا دورہ کیا اور انہیں خوبصورتی کے فروغ کے منصوبے پر تفصیلی بریفنگ دی۔ اس موقع پر انہوں نے کہا کہ پی ایچ اے راولپنڈی کا مقصد شہر کو خوبصورت بنانے کے ساتھ ساتھ عوام کو صاف، سر سبز اور صحت مند ماحول فراہم کرنا ہے۔

(جاری ہے)

ڈی جی پی ایچ اے نے متعلقہ عملے کو ہدایت کی کہ چاندنی چوک میں ہارٹیکلچر کے کام کو مزید مؤثر بنایا جائے اور سرسبز ماحول کو فروغ دے کر شہر کی خوبصورتی میں اضافہ کیا جائے۔

انہوں نے کہا کہ وہ راولپنڈی کے شہریوں کو ایک خوبصورت اور سر سبز ماحول فراہم کرنا چاہتے ہیں اور وہ پرعزم ہیں کہ راولپنڈی کو پنجاب کا خوبصورت ترین شہر بنایا جائے۔ انہوں نے کہا کہ شدید موسم کے اثرات سے بچاؤ کے لیے درختوں کی شجر کاری اور سبز پودوں کی اہمیت اجاگر کرنا ضروری ہے۔ شہر کی خوبصورتی اور سرسبز ماحول کو برقرار رکھنے کے لیے عوام کے تعاون کی بھی ضرورت ہے۔