سیکرٹری پرائس کنٹرول پنجاب کا شہر کے مختلف سہولت بازاروں کا دورہ

اتوار 1 جون 2025 17:50

لاہور (اُردو پوائنٹ اخبارتازہ ترین - اے پی پی۔ 01 جون2025ء) سیکرٹری پرائس کنٹرول اینڈ کماڈیٹیز مینجمنٹ پنجاب ڈاکٹر احسان بھٹہ نے ارتوار کو اعلی الصبح سبزی و فروٹ منڈیوں کے بعد لاہور کے سہولت بازاروں کے دورے کیے اور انتظامات کا تفصیلی جائزہ لیا۔

(جاری ہے)

سہولت سٹالز پر موجود سبزیوں، پھلوں کے معیار اور قیمتوں کا تقابلی جائزہ بھی لیا،ٹھوکر نیاز بیگ، وحدت روڈ، میاں پلازہ جوہر ٹاون اور ٹاون شپ کے سہولت بازاروں کا دورہ کیا، سیکرٹری پرائس کنٹرول نے سہولت بازاروں میں لگوائے گئے اضافی سٹالز کو فوری ہٹوانے اور راستے کشادہ رکھنے کی ہدایت کی۔

ان کا کہنا تھا کہ سکیورٹی اور مانیٹرنگ کے نظام پر کوئی کوتاہی نہ برتی جائے،عام مارکیٹ سے نرخوں میں واضح کمی سے ہی عوام کو حقیقی سہولت میسر کی جاسکتی ہے۔ وزیر اعلی پنجاب کی ہدایت پر اشیا ضروریہ کے نرخوں اور معیار پر کسی صورت سمجھوتہ نہ کیا جائے۔ ڈاکٹر احسان بھٹہ نے فری ہوم ڈیلیوری بائیکس، شکایات اور مانیٹرنگ سیل کے سٹاف کی حاضری اور ریکارڈ کو بھی چیک کیا۔ انہوں نے گرمی کے پیش نظر تمام بازاروں میں پنکھوں اور صاف پانی کی فراہمی ممکن بنانے کی ہدایت بھی کی۔