ئپرس کی معروف روحانی شخصیت شیخ نور محمد الکبانی کی ڈاکٹر طاہر القادری سے ملاقات،بزرگوں سے متعلق اپنی یادوں کاتذکرہ کیا

اتوار 1 جون 2025 21:50

مانچسٹر (اُردو پوائنٹ اخبارتازہ ترین - این این آئی۔ 01 جون2025ء)تحریک منہاج القرآن کے بانی و سرپرست اعلیٰ ڈاکٹر محمد طاہر القادری سے سائپرس کے معروف عالم دین روحانی شخصیت شیخ نور محمد الکبانی نے برطانیہ مانچسٹرمیں ملاقات کی، ملاقات کے دوران شیخ الاسلام ڈاکٹر محمد طاہر القادری نے شیخ نور محمد الکبانی کے والد گرامی شیخ ہشام کبانی اور ان کے بزرگ دادا شیخ محمد ناظم عادل الکبانی کے علمی مقام و مرتبہ اور عالم اسلام کیلئے ان کی گرانقدر خدمات کی تحسین کی اور شیخ الاسلام نے شیخ نور محمد کبانی کے ساتھ ان کے بزرگوں کے متعلق اپنی یادوں کا بطور خاص تذکرہ کیا۔

ڈاکٹر محمد طاہر القادری نے ملاقات کے دوران اس بات پر مسرت کا اظہار کیا کہ شیخ نور محمد اپنے بزرگوں کے نقش قدم پر چلتے ہوئے اسلام اور انسانیت کی خدمت میں پیش پیش ہیں اور ان کی روحانی وراثت کو آگے بڑھا رہے ہیں۔

(جاری ہے)

شیخ نور محمد الکبانی نے بھی شیخ الاسلام کی علمی و تحقیقی خدمات اور امہ کی عملی فکری راہنمائی کو سراہا اور کہا کہ ہمارے بزرگ شیخ الاسلام کی خدمات اور علم و فضل کا بڑے اچھے الفاظ میں تذکرہ کرتے ہیں ۔انہوںنے کہاکہ مخلص اہل علم زمین پر اللہ کی نعمت ہوتے ہیں جو امت کو بھٹکنے سے بچاتے ہیں اور دین متین کو اس کی اصل کے ساتھ پیش کرتے ہیں۔ شیخ نور محمد نے شیخ الاسلام کی عربی زبان میں تصنیفات پر مسرت کا اظہار کیا اور اسے امت کا مشترکہ علمی و فکری اثاثہ قرار دیا۔