Live Updates

فنکاروں اور ادیبوں کا کام دل جوڑنا ہوتا ہے، دیواریں کھڑی کرنا نہیں،اداکارہ حنا خواجہ

پیر 2 جون 2025 13:20

کراچی (اُردو پوائنٹ اخبارتازہ ترین - این این آئی۔ 02 جون2025ء)اداکارہ و سماجی کارکن حنا خواجہ بیات نے بھارتی شاعر اور دانشور جاوید اختر کے پاکستان مخالف بیانات پر سخت ردِعمل دیتے ہوئے کہا ہے کہ جاوید اختر کے تبصرے اداکاری سے زیادہ کچھ نہیں۔

(جاری ہے)

انہوں نے کہا کہ ہندوستان میں پاکستان سے نفرت کرنا وفاداری دکھانے کا ایک ذریعہ بن چکا ہے، وہاں اگر آپ کو یہ ثابت کرنا ہو کہ آپ بہت زیادہ بھارتی ہیں، تو آپ پاکستان پر تنقید کرتے ہیں اور جاوید اختر نے بھی ایسا ہی کیا تاکہ وہ خود کو قابلِ قبول بنا سکیں۔

حنا بیات کا کہنا ہے کہ جاوید اختر جیسے پڑھے لکھے شخص سے ایسی باتوں کی توقع نہیں تھی اور ان کے حالیہ بیانات زیادہ سیاسی اور موقع پرستانہ معلوم ہوتے ہیں، نہ کہ کسی سچے نظریے یا ذاتی تکلیف کی بنیاد پر۔انہوں نے مزید کہا کہ فنکاروں اور ادیبوں کا کام دل جوڑنا ہوتا ہے، دیواریں کھڑی کرنا نہیں۔ ہمیں یہ نہیں بھولنا چاہیے کہ ہم سب انسانیت کے سفیر ہیں اور اگر ہم ہی نفرت بانٹنے لگیں تو عام لوگ کہاں جائیں گی