نیٹو کا فوجی بجٹ میں اضافے کا مطالبہ

منگل 3 جون 2025 08:30

ولنیس (اُردو پوائنٹ اخبارتازہ ترین - اے پی پی۔ 03 جون2025ء) شمالی اٹلانٹک ٹریٹی آرگنائزیشن (نیٹو) کے سیکرٹری جنرل مارک روٹے نے روس کے ساتھ جاری جغرافیائی سیاسی تصادم کے پیش نظر دفاعی اخراجات میں نمایاں اضافے کا مطالبہ کردیا۔العربیہ کے مطابق لیتوانیا کے دورے کے دوران انہوں نے کہا کہ ہمیں اس کے لیے تیار رہنا ہوگا، اس لیے اخراجات 2 فیصد سے کہیں زیادہ ہوں گے جس کے ہم عادی تھے۔

انہوں نے مزید واضح کیا کہ دفاعی اخراجات کے لیے اتحاد کا موجودہ سالانہ ہدف، جو اقتصادی پیداوار کا 2 فیصد ہے، موجودہ سکیورٹی چیلنجوں کا مقابلہ کرنے کے لیے اب کافی نہیں ہے۔لیتوانیا کے صدر گیٹاناس ناوسیڈا نے اتحادیوں سے فوج میں مزید سرمایہ کاری کرنے کی اپیل کرتے ہوئے کہا کہ روس انتظار نہیں کرے گا۔

(جاری ہے)

یہ پیش رفت اس وقت ہوئی جب روٹے نے ویلنیئس میں نام نہاد بخارسٹ نائن (B9) گروپ اور شمالی یورپی ممالک کے ایک روزہ اجلاس میں شرکت کی۔

اس سربراہی کانفرنس، جس میں یوکرین کے صدر زیلنسکی نے بھی شرکت کی، کا مقصد تقریباً تین ہفتوں بعد دی ہیگ میں ہونے والی نیٹو سربراہی کانفرنس کی تیاری کرنا تھا۔قابل ذکر ہے B9 گروپ میں پولینڈ، رومانیہ، بلغاریہ، ہنگری، جمہوریہ چیک، سلوواکیا اور تین بالٹک ممالک یعنی ایسٹونیا، لٹویا اور لیتوانیا شامل ہیں۔ شمالی ممالک فن لینڈ، سویڈن، ناروے، ڈنمارک اور آئس لینڈ ہیں۔ناوسیڈا نے خبردار کیا کہ روس اپنی مسلح افواج کو جلد از جلد مضبوط اور دوبارہ تعمیر کرنے کی کوشش کر رہا ہے۔ انہوں نے مزید کہا کہ ہمارے پاس بھی ایسا کرنے کے لیے بہت محدود وقت ہے۔ مجھے امید ہے کہ ہم دفاع پر جی ڈی پی کے 5 فیصد کے اخراجات کے ہدف پر ایک معاہدہ تک پہنچ سکیں گے۔

Facebook Twitter Google + Share on Whatsapp

نیٹو کا فوجی بجٹ میں اضافے کا مطالبہ

متعلقہ عنوان :

مزید بین الاقوامی خبریں