جیکب آباد پولیس کی کارروائیاں، 7 اشتہاری و مطلوب ملزمان گرفتار، منشیات و اسلحہ برآمد

منگل 3 جون 2025 17:15

جیکب آباد (اُردو پوائنٹ اخبارتازہ ترین - این این آئی۔ 03 جون2025ء) جیکب آباد پولیس کی کارروائیاں، 7 اشتہاری و مطلوب ملزمان گرفتار، منشیات و اسلحہ برآمد۔

(جاری ہے)

تفصیلات کے مطابق جیکب آباد پولیس نے ضلع کے مختلف علاقوں میں کاروائی کرتے ہوئے قتل، اقدام قتل، منشیات اوراسلحہ رکھنے کے جرم میں 7 مطلوب و اشتہاری ملزمان کو گرفتار کرلیا ہے، ترجمان کے مطابق میرانپور تھانہ کی پولیس کاروائی کرتے ہوئے اقدام قتل کے مقدمات میں مطلوب ملزم سجاد لوہرکو گرفتار کرلیا جبکہ میرپور برڑو پولیس نے سنگین مقدمات میں مطلوب اشتہاری ملزم شعبان برڑو کو گرفتار کرلیا میرپور برڑو پولیس نے دوسری کاروائی میں چیکنگ کے دوران 4 ملزمان کو گرفتار کرکے ان کے قبضے سے بغیر لائسنس 4 پستول اور 22 گولیاں برآمد کرلی، دریں اثناء کریم بخش تھانہ کی پولیس نے ایک ملزم حفیظ اللہ لاشاری کو گرفتار کرکے دو کلو چرس برآمد کرلی ہے، گرفتار ملزمان کے خلاف مقدمات درج کرلیے گئے ہیں۔