پولینڈ: پاکستانی نژاد 3 ہاکی پلیئرز نے قوم کا سرفخر سے بلند کردیا

منگل 3 جون 2025 20:13

لبلن(اُردو پوائنٹ اخبارتازہ ترین - آن لائن۔ 03 جون2025ء) یورپین ملک پولینڈ میں کھیلے جانے والے پہلے سپر لیگ ہاکی کپ میں پاکستانی کھلاڑیوں نے بہترین کھیل کا مظاہرہ کرتے ہوئے اپنی ٹیم کو فائنل جتوا دیا۔

(جاری ہے)

تین پاکستانی نژاد کھلاڑیوں مرتضی یعقوب، احتشام اسلم اور عبدالرحمن نے Siemianowice lskie ہاکی کلب سے کھیلتے ہوئے اسے سپر لیگ میں پہلی ناقابل شکست چیمپئن بنوا دیا، عبدالرحمن لیگ کے ٹاپ سکورر قرار پائے۔

احتشام اسلم سیمی فائنل، فائنل اور مجموعی طور پر بیسٹ پلیئر آف دی ٹورنامنٹ قرار پائے جبکہ مرتضی یعقوب بیسٹ ڈیفینڈر آف دی ٹورنامنٹ قرار پائے۔چیمپئن ٹیم کے کوچ نے کہا ہے کہ یہ بڑے فخر کی بات ہے کہ ہم پاکستانی ہیروز کو اپنے ساتھ کھیلتا ہوا اور اپنے کلب کو چیمپئن بنتے ہوئے دیکھ رہے ہیں۔