Live Updates

پاکستان فٹبال ٹیم کو میانمار کیخلاف میچ سے قبل دھچکا، اسٹرائیکر ریان زخمی

جمعرات 5 جون 2025 15:00

ڈبلن (اُردو پوائنٹ اخبارتازہ ترین - این این آئی۔ 05 جون2025ء)میانمار کے خلاف اے ایف سی ایشین کپ کوالیفائرز میں میانمار کے خلاف میچ سے قبل پاکستان فٹبال ٹیم نوجوان اسٹرائیکر ریان محمد کی خدمات سے محروم ہوگئی۔

(جاری ہے)

اسکاٹ لینڈ میں ڈنڈی فٹبال کلب سے کھیلنے والے ریان کو پہلی بار پاکستان ٹیم میں شامل کیا گیا تھا تاہم انجری کی وجہ سے ان کا پاکستان ڈیبیو تاخیر کا شکار ہوگیا اور وہ میانمار کے خلاف میچ سے آؤٹ ہوگئے۔

ریان محمد اسلام آباد میں جاری قومی فٹبال ٹیم کے کیمپ کے دوران انجری کا شکار ہوئے۔ذرائع کے مطابق وہ ہیمسٹرنگ انجری کا شکار ہوئے ہیں جس کی وجہ سے وہ میانمار کے خلاف میچ سے بھی آؤٹ ہوگئے۔ ریان محمد نے انجرڈ ٹانگ کی تصویر بھی سوشل میڈیا اسٹوری پر لگائی۔ ذرائع کا کہنا ہے کہ 19 سالہ اسٹرائیکر انجری کے بعد واپس اسکاٹ لینڈ روانہ ہوگئے۔