پشاور، عیدالاضحی پر سیاحتی مقامات پر کیمپنگ پاڈز کھولنے کا فیصلہ

منگل 3 جون 2025 20:20

پشاور (اُردو پوائنٹ اخبارتازہ ترین - این این آئی۔ 03 جون2025ء)خیبرپختونخوا حکومت نے عیدالاضحی کے موقع پر مختلف سیاحتی مقامات پر کیمپنگ پاڈز کھولنے کا فیصلہ کر لیا۔

(جاری ہے)

محکمہ سیاحت کے مطابق خیبر پختونخوا کے پر فضا سیاحتی مقامات پر سیاحوں کے لیے کیمپنگ پاڈز بنائے گئے تھے جسے سیاحوں کے لیے کھولنے کا فیصلہ کیا گیا ہے،سیاح اب قدرتی حسن سے لطف اندوز ہونے کے ساتھ ساتھ آرام دہ اور محفوظ قیام کی سہولت بھی حاصل کر سکتے ہیں۔

صوبائی حکومت کی جانب سے جن سیاحتی مقامات پر کیمپنگ پاڈز بنائے گئے ہیں ان میں شاران وادی کاغان، ٹھنڈیانی ایبٹ آباد، بمبوریت کیلاش، یارخون لشٹ اپر چترال، سرلاسپور اپر چترال، گبین جبہ وادی سوات، سلاتن وادی سوات، ملکہ مہابن بونیر، شہید سر بونیر، الائی میدان بٹگرام، یخ تنگئی شانگلہ اور سمانہ اورکزئی شامل ہیں۔