تعلیمی بورڈ راولپنڈی کے کنٹرولر امتحانات کا انٹرمیڈیٹ پارٹ ون سالانہ امتحانات 2025 کے سلسلے میں مختلف امتحانی مراکز کا دورہ

منگل 3 جون 2025 23:20

راولپنڈی (اُردو پوائنٹ اخبارتازہ ترین - اے پی پی۔ 03 جون2025ء) تعلیمی بورڈ راولپنڈی کے کنٹرولر امتحانات تنویر اصغر اعوان نے انٹرمیڈیٹ پارٹ ون سالانہ امتحانات 2025 کے سلسلے میں مختلف امتحانی مراکز کا دورہ کیا۔ انہوں نے امتحانی ایس او پیز پر عملدرآمد کا بغور جائزہ لیا اور مجموعی انتظامات پر اطمینان کا اظہار کیا۔ اس موقع پر انہوں نے کہا کہ امتحانات مکمل شفافیت اور میرٹ کی بنیاد پر منعقد کیے جا رہے ہیں۔

انہوں نے واضح کیا کہ بوٹی مافیا کے خلاف سخت اقدامات کیے جا رہے ہیں اور کسی کو بھی امتحانی قواعد کی خلاف ورزی کی اجازت نہیں دی جائے گی۔ کنٹرولر امتحانات نے بتایا کہ امتحانی مراکز میں عملہ پوری دیانت داری اور ذمہ داری سے فرائض انجام دے رہا ہے جبکہ امیدواروں کو پرامن اور سازگار ماحول فراہم کیا جا رہا ہے تاکہ وہ بغیر کسی دبائو کے امتحان دے سکیں۔

(جاری ہے)

انہوں نے انکشاف کیا کہ مختلف امتحانی مراکز میں آٹھ امیدوار نقل کرتے ہوئے رنگے ہاتھوں پکڑے گئے۔ ان تمام کیسز کو فوری کارروائی کے لیے ڈسپلن برانچ کو بھجوا دیا گیا ہے تاکہ ضوابط کے مطابق سزا دی جا سکے۔ تنویر اصغر اعوان نے اس عزم کا اعادہ کیا کہ راولپنڈی بورڈ امتحانی عمل کو ہر صورت شفاف اور منصفانہ بنائے گا اور کسی بھی غیر قانونی سرگرمی کو برداشت نہیں کیا جائے گا۔

Facebook Twitter Google + Share on Whatsapp

تعلیمی بورڈ راولپنڈی کے کنٹرولر امتحانات کا انٹرمیڈیٹ پارٹ ون سالانہ امتحانات 2025 کے سلسلے میں مختلف امتحانی مراکز کا دورہ

مزید قومی خبریں