تنخواہ دار طبقے نے ٹیکس دینے میں سب کو پیچھے چھوڑ دیا

مالی سال کے گیارہ ماہ میں ملازمت پیشہ افراد نے 499ارب روپے ٹیکس ادا کیا

بدھ 4 جون 2025 03:40

لاہور(اُردو پوائنٹ اخبارتازہ ترین - این این آئی۔ 04 جون2025ء) تنخواہ دار طبقے نے ٹیکس دینے میں سب کو پیچھے چھوڑ دیا، رواں مالی سال کے گیارہ ماہ میں ملازمت پیشہ افراد نے 499ارب روپے ٹیکس ادا کیا۔رواں مالی سال کے دوران مختلف شعبوں سے ٹیکس وصولی کی تفصیلات سامنے آ گئیں ہیں، تنخواہ دار طبقے نے حکومت کو سب سے زیادہ ٹیکس دیا ۔

(جاری ہے)

نوکری پیشہ افراد نے گیارہ مہینوں میں 499ارب روپے ٹیکس جمع کرایا ، تنخواہ دار طبقے سے وصول کردہ ٹیکس باقی تمام شعبوں سے زیادہ ہے۔

گیارہ ماہ میں برآمدات کے شعبے سے 96ارب 36کروڑ روپے ، جائیدادوں کی فروخت سے 110ارب 18کروڑ اور جائیدادوں کی خریداری سے 109 ارب 68کروڑ روپے روپے ٹیکس وصول کیا گیا۔ تھوک کے کاروبار سے 22ارب 36کروڑ روپے جبکہ پرچون کے کاروبار سے 33ارب 30کروڑ روپے ٹیکس اکھٹا ہوا۔