Live Updates

ماحولیاتی مسائل کا حل درخت پودے لگانے سے جڑا ہوا ہے ، گرین سندھ فاؤنڈیشن

بدھ 4 جون 2025 21:30

لاڑکانہ (اُردو پوائنٹ اخبارتازہ ترین - اے پی پی۔ 04 جون2025ء) لاڑکانہ سماجی تنظیم گرین سندھ فاؤنڈیشن کی جانب سےعالمی یوم ماحولیات کے موقع پر پی ایس پی سکول میں 100 پھلدار پودے لگائےگئے۔

(جاری ہے)

اس موقع پر تنظیم کے سربراہ ذوالفقار مگسی سکول کی پرنسپل سعدیہ پروین اور نذیر میرجت نے کہا کہ درختوں جنگلات اور گرین بیلٹس کی کمی کے سبب موسمیاتی تبدیلیوں کے باعث ملک میں ماحولیاتی مسائل میں اضافہ ہو رہا ہے، جس کے باعث کے پی کے، بلوچستان اور پنجاب میں طوفانی ہواؤں، شدید بارشوں سے زرعی فصلیں بری طرح متاثر ہوئی ہیں، سندھ میں پائی زیر زمین چلے جانےکی وجہ سے پانی کی کمی سے زرعی پیداوار متاثر ہو رہی ہے، پاکستان موسمیاتی تبدیلیوں سے متاثر ہونے والے ممالک کی ٹاپ ٹین لسٹ میں شامل ہے، عالمی ماحولیاتی تنظیموں نے موسمیاتی تبدیلیوں سے نمٹنے کے لیے فوری اقدامات پر زور دیا ہے۔

ہیپینیس فاؤنڈیشن ٹرسٹ کے تعاون سے تقریب سے خطاب کرتے ہوئے انہوں نے کہا کہ ماحولیاتی مسائل کا حل درخت پودے لگانے سے جڑا ہوا ہے اس لیے ماحولیاتی مسائل اور موسمیاتی تبدیلیوں کے خاتمے کے لیے پوری قوم پودے لگا کر اپنا قومی فریضہ ادا کرے۔