Live Updates

بھکر ،عالمی یوم ماحولیات کے موقع پر ڈپٹی کمشنرکی زیر قیادت ہلٹن چوک سے جی پی او تک اگاہی ریلی کا انعقاد کیا گیا

جمعرات 5 جون 2025 13:51

بھکر (اُردو پوائنٹ اخبارتازہ ترین - اے پی پی۔ 05 جون2025ء) عالمی یومِ ماحولیات کے موقع پر ڈپٹی کمشنر محمد اشرف کی زیرِ قیادت ہلٹن چوک سے جی پی او چوک تک ایک آگاہی ریلی کا انعقاد کیا گیا۔ اس موقع پر اے ڈی سی جی محمد ارشد وٹو،اسسٹنٹ کمشنر مہتاب احمد خان ،اسسٹنٹ ڈائریکٹر ماحولیات محمد ابوذر،انسپکٹر ماحولیات محمد فاروق ،صدر انجمن تاجران رانا محمد اشرف خاں ،جنرل سیکرٹری عاشق حسین کھوکھر،رانا محمد انور،میڈیا نمائندگان ،سرکاری افسران ،این جی اوز سے وابستہ افرادسمیت لوگوں کی کثیر تعداد نے ریلی میں شرکت کی۔

ریلی کے اختتام پر ڈپٹی کمشنر محمد اشرف نے میڈیا سے گفتگو کرتے ہوئےکہا کہ صاف ستھرے ماحول کی ترویج کیلئے سوسائٹی کے ہر فرد کواپنا نمایاں کردار ادا کرنا ہوگا اس ضمن میں شہری شاپرز بیگز کے استعمال کی حوصلہ شکنی کریں اور مارکیٹ میں خریداری کیلئے کپڑے سے تیار شدہ بیگز کا استعمال کریں۔

(جاری ہے)

انہوں نے کہا کہ عید الضحیٰ کے موقع پر ضلعی انتظامیہ کی جانب سے عوام الناس کو مفت بیگز تقسیم کئےجارہے ہیں جس میں جانوروں کی آلائشیں اکٹھی کر کے ایک پوائنٹ پر رکھ دیں جہاں سے عملہ صفائی کولکیٹ کرلے گا۔

ڈپٹی کمشنر محمد اشرف نےمزید کہا کہ ملک میں تیزی سے بدلتی ہوئی موسمی صورتحال کے پیش نظر درختوں کی اہمیت مسلمہ ہے عوام الناس ذیادہ سے ذیادہ درخت لگا کر ماحول کو سرسبز و شاداب بنانے میں اپنا بھرپور معاون کردار ادا کریں ڈپٹی کمشنر محمد اشرف نے شرکاء سے خطاب کرتے ہوئےکہا کہ صاف وشفاف، سرسبز اور محفوظ ماحول بنانا ہم سب کی مشترکہ ذمہ داری ہے ان کا کہنا تھا کہ ماحولیاتی تحفظ صرف حکومتی اداروں کا نہیں بلکہ ہر فرد کا قومی فریضہ ہے۔اس موقع پر ڈپٹی کمشنر نے شہریوں میں مفت کپڑے کے بیگز بھی تقسیم کئے ۔بعدازاں ڈپٹی کمشنر محمد اشرف نےجھنگ موڑ بھکر پر اے ڈی سی جی محمد ارشد وٹو اور محکمہ ماحولیات کے افسران کے ہمراہ عالمی یوم ماحولیات کی مناسبت سے پودے لگائے۔\378