۔قربانی کے جانوروں کی کھالیں ، خیرات ، عطیات پشتونخوا بلڈ بنک کو دیکر انسانیت کی خدمت میں ہمارا ساتھ دیں، پشتونخوابلڈ بنک

جمعہ 6 جون 2025 21:00

) کوئٹہ (آن لائن) پشتونخوابلڈ بنک مرکزی ہیڈ آفس کوئٹہ کے جاری کردہ بیان میں عیدالضحیٰ کے موقع پر تمام عوام کو مبارکباد پیش کرتے ہوئے بجائے طور پر اس امید کا اظہار کیا گیا ہے کہ وہ اپنے قربانی کے جانوروں کی کھالیں ، خیرات ، عطیات پشتونخوا بلڈ بنک کو دیکر انسانیت کی خدمت میں ہمارا ساتھ دینگے۔ بیان میں کہا گیا ہے کہ پشتونخوا بلڈ بنک جو کہ گزشتہ کئی سالوںسے بلا رنگ، نسل ، زبان، مذہب ، فرقہ سے بالاتر ہوکر ہسپتالوں میں مریضوں ، ٹریفک ودیگر حادثات کے زخمیوں اور ضرورت مندوں کومفت ، صاف شفاف سکین شدہ خون مہیا کرتی چلی آئی ہے اسی طرح پشتونخوا بلڈ بنک کے ساتھ رجسٹرڈ سینکڑوں تھیلسمیاء کے مریضوں کوہر ماہ مفت سکین شدہ خون فراہم کیا جاتا ہے ۔

اسی طرح صوبے کے مختلف اضلاع میں پشتونخوا بلڈبنک کے برانچز 24گھنٹے فعال اور انسانیت کی خدمت میں مصروف ہیں ۔

(جاری ہے)

بیان میں کہا گیا ہے کہ ان برانچز کے اخراجات بالخصوص خون کے بیگز، مشینری ، ایمبولینسز ودیگر عوام کے زکواة، خیرات ، صدقات، عطیات ، قربانی کے جانوروں کی کھالوں کے ذریعے سے پورا کیا جاتا ہے ۔ بیان میں تمام مخیر حضرات اور عوام سے اپیل کی گئی ہے کہ وہ اپنا تعاون پشتونخوا بلڈبنک کے ساتھ جاری رکھیں تاکہ آپ کے تعاون سے لاکھوں انسانوں کو مفت اور سکین شدہ خون کی ضرورت کو پورا کیا جاسکے اور پشتونخوابلڈ بنک کی جانب سے یہ خدمت جاری رہے ۔