Live Updates

سنت ابراہیمی ہمیں اللہ کی راہ میں اپنا سب کچھ قربان کر دینے کا درس دیتی ہے‘سردار سلیم حیدر خان

کشمیر اور فلسطین کے مسلمانوں کو بھی یاد رکھنا ہے ،اللہ تعالی انکے مصائب میں کمی کرے ،انہیں آزادی نصیب ہو

جمعہ 6 جون 2025 21:42

سنت ابراہیمی ہمیں اللہ کی راہ میں اپنا سب کچھ قربان کر دینے کا درس دیتی ..

لاہور (اُردو پوائنٹ اخبارتازہ ترین - این این آئی۔ 06 جون2025ء) گورنر پنجاب سردار سلیم حیدر خان نے کہا ہے کہ پوری قوم اور امت مسلمہ کو عیدالاضحی کی خوشیاں مبارک ہوں۔ انہوں نے کہا کہ عیدالاضحی اپنے اندر ایثار کا جذبہ پیدا کرنے کا نام ہے۔ سنت ابراہیمی ہمیں اللہ کی راہ میں اپنا سب کچھ قربان کر دینے کا درس دیتی ہے۔گورنر پنجاب نے کہا کہ اس دن ہمیں اپنے ارد گرد غریب، نادار اور مستحق افراد کا خاص خیال رکھنا ہے اور عید کی خوشیوں میں شامل کرنا ہے۔

گورنر نے اس موقع پر دعا کی ہے کہ ملک میں امن، استحکام اور خوشحالی آئے۔

(جاری ہے)

انہوں نے کہا کہ کشمیر اور فلسطین کے مسلمانوں کو بھی یاد رکھنا ہے کہ اللہ تعالی ان کے مصائب میں کمی کرے اور انہیں آزادی نصیب ہو۔انہوں نے کہا کہ آج کے دن ہمیں ان شہدا کی قربانیوں کو بھی نہیں بھولنا جنہوں نے ملک کی سلامتی اور بقا کے لیے دہشت گردی کے خاتمے کے لیے اپنی زندگیوں کا نذرانہ پیش کیا ۔گورنر پنجاب نے کہا کہ آج کے دن سنت ابراہیمی کی پیروی کرتے ہوئے جانوروں کی قربانی کرنے کے ساتھ نفرتیں بھی ذبح کریں اور آپس میں محبتیں بانٹیں۔ انہوں نے کہاکہ اللہ تعالی سنت ابراہیمی کی پیروی میں جانوروں کی قربانی دینے والے ہر مسلمان کے اس نیک عمل کو قبول فرمائے۔