عید تعطیلات کے دوران بجلی کی بلا تعطل فراہمی یقینی بنائی جائے گی ، آئیسکو

ہفتہ 7 جون 2025 13:20

اسلام آباد (اُردو پوائنٹ اخبارتازہ ترین - اے پی پی۔ 07 جون2025ء) آئیسکو انتظامیہ نے اپنے معزز صارفین کو عید الاضحٰی کی خوشیوں کی مبارک دیتے ہوئے اس عزم کا عادہ کیا ہے کہ عید تعطیلات کے دوران بجلی کی بلا تعطل فراہمی یقینی بنائی جائے گی ،مرکزی کنٹرول روم اسلام آباد میں سینیئر افسران فیلڈ مانیٹرنگ کے لئے سٹاف کے ہمراہ موجود رہیں گئے ۔

(جاری ہے)

ترجمان آئیسکو کی جانب سے ہفتہ کو جاری بیان میں کہا گیا ہے کہ عید کی تعطیلات کے دوران بجلی کی طلب رسد گرڈ اسٹیشنز فیڈرز ٹرانسفارمرز فالٹز اور کلینرز کی مکمل مانیٹرنگ کی جائے گی ۔

انہوں نے مزید کہا کہ 130 سے زائد کمپلینٹ دفاتر میں آپریشنل سٹاف شکایات کے بروقت ازالے کے لئے الرٹ۔ انہوں نے ہدایت کی کہ قربانی کے جانوروں کی آلائشوں کو بجلی کی تنصیبات کے نزدیک نہ پھینکا جائے۔ ترجمان نے کہا کہ چیف ایگزیکٹیو آئیسکو محمد نعیم جان بجلی کی بلا تعطل فراہمی کی نگرانی کر رہے ہیں۔ انہوں نے کہا کہ صارفین اپنی شکایات کا اندراج ہیلپ لائن 118 یا کمپلینٹ مانیٹرنگ سیل کے نمبر 0519252933 پر کروائیں۔