لاہور: گلی میں بیٹھی خاتون کیساتھ نازیبا حرکات کی ویڈیو وائرل، ملزم گرفتار

بدھ 20 اگست 2025 21:22

لاہور (اُردو پوائنٹ اخبارتازہ ترین - آن لائن۔ 20 اگست2025ء) اسلام پورہ گلی میں بیٹھی خاتون کے ساتھ نازیبا حرکات کی ویڈیو وائرل ہوگئی جب کہ ڈی آئی جی آپریشنز فیصل کامران نے نوٹس لے کر ملزم کو فوری گرفتار کرنے کی ہدایت کی۔

(جاری ہے)

ایس پی سٹی کی سربراہی میں اسلام پورہ پولیس نے فوری کارروائی کرتے ہوئے چند گھنٹوں میں ملزم کو گرفتار کرلیا۔ ایس پی سٹی بلال احمد نے کہا کہ ملزم کی گلی میں سر عام فحش حرکات کی ویڈیو سوشل میڈیا پر وائرل ہوئی تھی، ملزم خالد کے خلاف مقدمہ درج کر کے تحقیقات کا آغاز کر دیا گیا ہے۔