سی ڈی اے کے ڈائریکٹر سینی ٹیشن کی زیر نگرانی، عیدالاضحٰی کے موقع پر صفائی کی مہم بھرپور انداز میں جاری

ہفتہ 7 جون 2025 14:20

اسلام آباد (اُردو پوائنٹ اخبارتازہ ترین - اے پی پی۔ 07 جون2025ء) چیئرمین سی ڈی اے، چیف کمشنر اور ڈی جی سول ڈیفنس محمد علی رندھاوا کی ہدایات کی روشنی میں، سی ڈی اے کے ڈائریکٹر سینی ٹیشن کی زیر نگرانی، عیدالاضحٰی کے موقع پر صفائی کی مہم بھرپور انداز میں جاری ہے۔

(جاری ہے)

سیکٹر ایف-6 میں سی ڈی اے کی صفائی ٹیم نے جانوروں کی آلائشیں بروقت اکٹھی کیں، چونے کا چھڑکاؤ کیا، اور علاقے کو صاف و شفاف بنانے کے لیے کوشاں ہیں۔

ڈائریکٹوریٹ آف سولڈ ویسٹ مینجمنٹ نے شہریوں سے اپیل کی کہ آئیے ہم سب بھی اس قومی خدمت میں اپنا حصہ ڈالیں اور اپنے ماحول کو صاف رکھیں اور سرسبز، صحت مند اسلام آباد کےقیام میں کردار ادا کریں۔ شکایات کے لئے وٹس ایپ نمبر0335-5001213 لینڈ لائن نمبر 051 - 9213908 یا ہیلپ لائن 1334 پر رابطہ کریں ۔