!بت میں نماز عید کی ادائیگی کیلئے جانے والے باپ بیٹا ریمورٹ کنڑول بم دھماکے میں جان بحق جبکہ 4افراد زخمی ہوگئے

پیر 9 جون 2025 16:25

گ*کوئٹہ(اُردو پوائنٹ اخبارتازہ ترین - آن لائن۔ 09 جون2025ء)بلوچستان کے علاقے تربت میں نماز عید کی ادائیگی کیلئے جانے والے باپ بیٹا ریمورٹ کنڑول بم دھماکے میں جان بحق جبکہ 4افراد زخمی ہوگئے دھماکے سے گاڑی مکمل طور پر تباہ ہوگئی دھماکے کی اطلاع ملتے ہی پولیس بم ڈسپوزل اسکوارڈاور سیکورٹی فورسز کی ٹیمیں موقع پر پہنچ گئیں نعشوں اور زخمیو ں کو ہسپتال منتقل کر دیا گیا تفصیلات کے مطابق عید الضحیٰ کے روز بلوچستان کے ضلع تربت کے علاقے زامران میں گاڑی کے قریب دھماکے میں 2 افراد جاں بحق جبکہ 4افراد زخمی ہوگئے ۔

پولیس حکام کے مطابق تربت کے علاقے زامران میں سیرکزہ کے مقام پر ہفتہ کی صبح ایک گاڑی پر بم دھماکہ ہوا دھماکے کے نتیجے میں سیرکزہ زامران کے رہائشی محمد امین اور ان کے بیٹے نوید امین موقع پر جان بحق ہو گئے جبکہ دھماکے میں 4 افراد زخمی ہوئے۔

(جاری ہے)

ذرائع کے مطابق صبح سویرے عید کی نماز پڑھنے قریبی گائوں گربن جارہے تھے کہ راستے میں انکی گاڑی کو ریموٹ کنٹرول بم سے نشانہ بنایاگیا۔پولیس نے بتایاکہ واقعے کے بعد مقامی انتظامیہ نے موقع پرپہنچ کرجاں بحق اور زخمیوں کو مقامی ہسپتال منتقل کر دیا اور مقامی پولیس اور سیکوڑی فورسز کے عملے نے جائے وقوعہ سے شواہد اکٹھے کرلئے نعشیں ضروری کاروائی کے بعد ورثا کے حوالے کر دی گئیں مزید کاروائی مقامی انتظامیہ کر رہی ہے۔