ستھرا پنجاب پروگرام کے تحت راولپنڈی ویسٹ مینجمنٹ کمپنی نے اٹک میں عیدالاضحیٰ صفائی آپریشن مثالی انداز میں مکمل کیا

اٹک (اُردو پوائنٹ اخبارتازہ ترین - اے پی پی۔ 09 جون2025ء) ستھرا پنجاب پروگرام کے تحت راولپنڈی ویسٹ مینجمنٹ کمپنی نے اٹک میں عیدالاضحیٰ صفائی آپریشن مثالی انداز میں مکمل کیا۔لوگ گھروں میں اپنے پیاروں کے ساتھ عید مناتے رہے آر ڈبلیو ایم سی کے ورکرز وزیر اعلیٰ پنجاب مریم نواز کے ویژن کو کامیاب کرنے کیلئے ڈیوٹی پر موجود رہے عید الاضحیٰ پر تاریخ میں پہلی مرتبہ اتنے منظم طریقے سے مثالی صفائی کی گئی ۔

آر ڈبلیو ایم سی کی ٹیم کی شاندارکارکردگی پر ہر کوئی عش عش کر اٹھا ۔ماضی میں لیڈر سیاست چمکاتے رہے وزیر اعلیٰ پنجاب مریم نواز نے ستھرا پنجاب پروگرام کے تحت پورا صوبہ زیرو ویسٹ کر کے مخالفین کو تعریف کرنے پر مجبور کر دیا۔ مریم نواز کا پنجاب ،ستھرا پنجاب زبان زد عام ہو گیا۔

(جاری ہے)

اپنے تو اپنے پرائے بھی اچھے کام کی تعریف کیے بغیر نہ رہ سکے۔

تاریخ میں پہلی مرتبہ عید الاضحیٰ پر مثالی صفائی کر کے مریم نواز شریف نے عوامی خدمت کی نئی تاریخ رقم کی۔ ڈپٹی کمشنر اٹک راٶ عاطف رضا کی نگرانی میں آر ڈبلیو ایم سی کے چیف ایگزیکٹیو آفیسر رانا ساجد صفدر کی قیادت میں ستھرا پنجاب ٹیموں نے اٹک کو زیرو یسٹ بنانے میں کوئی کسر نہ چھوڑی۔ ضلع اٹک سے عید قربان کے تین دنوں میں ہزاروں ٹن آلائشیں بروقت اٹھا کر تلف کی گئیں۔

اٹک شہر میں عید الاضحےٰ کے پہلے روز 404، دوسرے روز 368 ٹن آلائشیں اٹھائی گئیں۔ فتح جنگ میں پہلے روز 311، دوسرے روز 213 ٹن، حضرو میں پہلے روز 393، دوسرے روز 301 ٹن، جنڈ میں 253 اور 216 ٹن جبکہ پنڈی گھیب میں 213 اور 205 ٹن حسن ابدال میں آلائشیں ٹھکانے لگائی گئیں۔ضلع بھر میں مستقل اور موبائل ٹرانسفر اسٹیشنز کے ذریعے صفائی کے عمل کو مربوط انداز میں مکمل کیا گیا۔

تمام تحصیلوں میں 45 ماڈل کیمپ اور یونین کونسل سطح پر 357 کیمپ قائم کیے گئے، جہاں ویسٹ بیگز کی فراہمی، آگاہی اور شکایات کا فوری ازالہ کیا گیا۔ عید سے قبل شہر کی گلیوں، قربان گاہوں، بازاروں اور مساجد کی مکمل صفائی کی گئی۔ 34 خندقیں کھود کر آلائشیں دفنائی گئیں اور بعد ازاں چونا ڈال کر انہیں بند کیا گیا۔شاہرات ،گلیوں کو پانی اور فنائل سے واش کر کے چونے کا چھڑکاٶ کیا گیا ۔

اٹک میں مسلم لیگ(ن) کے ایم این اے شیخ آفتاب احمد اور ملک سہیل خان کمڑیال اور اراکین صوبائی اسمبلی نوابزادہ چودھری شیر علی ،ملک اعتبار خان کھنڈا،سابق رکن صوبائی اسمبلی سردار افتخار احمد خان ،سابق صوبائی وزیر جہانگیر خانزادہ اور اٹک میں سابق امیدوار صوبائی اسمبلی حمید اکبر خان اور انکی ٹیم ،لیگی عہدیداران عید الاضحےٰ پر آر ڈبلیو ایم سی اور ستھرا پنجاب پروگرام کے تحت صفائی کے عمل کی نگرانی کرتے رہے ۔\378