سعودی عرب کی اردن کے فرمانروا شاہ عبداللہ دوم کو تخت نشینی کی سالگرہ پر مبارکباد، نیک جذبات کا اظہار

منگل 10 جون 2025 08:10

ریاض (اُردو پوائنٹ اخبارتازہ ترین - اے پی پی۔ 10 جون2025ء) سعودی قیادت نے یوم تخت نشینی پر اردن کے فرمانروا شاہ عبداللہ دوم کو تخت نشینی کی سالگرہ پر مبارکباد کے پیغامات بھیجے ہیں۔ایس پی اے کے مطابق شاہ سلمان بن عبدالعزیز اور ولی عہد شہزادہ محمد بن سلمان نے پیغامات میں نیک جذبات کا اظہار کیا ہے۔

(جاری ہے)

انہوں نے شاہ عبد اللہ دوم کی اچھی صحت، خوشی، اردن کی حکومت اور عوام کےلیے مزید ترقی اور خوشحالی کی امید ظاہر کی۔

علاوہ ازیں متحدہ عرب امارات کے صدر شیخ محمد بن زید آل نہیان نے بھی اردن کے فرمانروا شاہ عبداللہ دوم کو مبارکباد کا پیغام بھیجا ہے۔امارات کے نائب صدر،وزیر اعظم اور دبئی کے حکمران شیخ محمد بن راشد المکتوم، نائب صدر، نائب وزیر اعظم شیخ منصور بن زاید آل نہیان نے بھی مبارکباد کے پیغامات بھیجے ہیں۔