ٹیسٹ کرکٹ کا سلطان کون آسٹریلیا اور ویسٹ جنوبی افریقہ کی دوڑ آج سے شروع

ورلڈ ٹیسٹ چیمپئن شپ کا فائنل 11 جون کو لارڈز کرکٹ گراؤنڈ میں کھیلا جائے گا‘ٹرافی کے ساتھ فوٹو شوٹ

منگل 10 جون 2025 12:13

لارڈز(اُردو پوائنٹ اخبارتازہ ترین - این این آئی۔ 10 جون2025ء)ٹیسٹ کرکٹ پر کس کی ہوگی حکمرانی آئی سی سی ورلڈ ٹیسٹ چیمپئن شپ کے فائنل معرکہ میں آسٹریلیا اور جنوبی افریقہ کی ٹیموں میں جوڑ پڑے گا، فائنل سے قبل دونوں ٹیموں کے کپتانوں نے ٹرافی کے ساتھ فوٹو شوٹ کیا۔ورلڈ ٹیسٹ چیمپئن شپ کا فائنل 11 جون کو لارڈز کرکٹ گراؤنڈ میں کھیلا جائے گا۔

(جاری ہے)

واضح رہے کہ کرکٹ کا ہیڈکوارٹر لارڈز جس کو سب سے زیادہ انٹرنیشنل فائنلز کا اعزاز حاصل ہے اپنے انداز اور روایات کے باعث دنیائے کرکٹ میں ایک انتہائی منفرد خصوصیات کا حامل ہے۔

یہاں ہر چیز یادگاری اور قابل تقلید ہوتی ہے، اس کے صدر دروازے سے گراؤنڈ کی پچ تک ہر چیز قابل دید ہے اور آنے والے گھنٹوں اس میں محو رہتے ہیں۔فائنل کی پچ کے لئے اب تک یہی کہا جا رہا ہے کہ ایک متوازن اور ہموار پچ ہوگی، پہلے دو دن پچ پر تیزی بھی ہوگی اور باؤنس بھی ہوگا لیکن باؤنس ہموار ہوگا۔