راولپنڈی ، تین ملزمان سے دو رکشے، تین موٹر سائیکلیں اور چھینی گئی رقم اور دیگر مال مسروقہ برآمد

منگل 10 جون 2025 19:06

راولپنڈی (اُردو پوائنٹ اخبارتازہ ترین - اے پی پی۔ 10 جون2025ء) راولپنڈی پولیس نے تین ملزمان کو گرفتار کر کے دو رکشے، تین موٹر سائیکلیں اور چھینی گئی رقم اور دیگر مال مسروقہ برآمد کرلیا۔ نیو ٹاؤن پولیس نے اہم کارروائی کرتے ہوئے رکشہ و موٹر سائیکل چوری اور سٹریٹ کرائم کی وارداتوں میں ملوث ملزمان کو گرفتار کر لیا۔

(جاری ہے)

پولیس حکام کے مطابق گرفتار افراد کے قبضے سے دو مسروقہ رکشے، تین مسروقہ موٹر سائیکلیں اور چھینی گئی رقم 32 ہزار 500 روپے بھی برآمد کر لی گئی ہے۔

ایس پی راول ٹاؤن محمد حسیب راجہ نے کہاکہ زیر حراست افراد کو ٹھوس شواہد کے ساتھ چالان عدالت کیا جائے گا تاکہ ان کے خلاف قانونی کارروائی کو یقینی بنایا جا سکے۔ شہریوں کے جان و مال پر حملہ کرنے والے قانون کی گرفت سے نہیں بچ سکتے۔ انہوں نے کہاکہ عوام کے جان و مال کے تحفظ کے لیے مؤثر اقدامات جاری رکھے جائیں گے اور جرائم پیشہ عناصر کے خلاف بلا امتیاز کارروائیاں جاری رہیں گی۔